عاجل
السبت 22 يونيو 2024 الموافق 16 ذو الحجة 1445
رئيس التحرير
عمرو الديب

أحمد خالد زوج ندى الكامل: التمثيل هوايتي من زمان وهذه شروطي لأداء دور جريء

أحمد خالد
أحمد خالد

تحدث الفنان أحمد خالد  زوج ندى الكامل خلال حواره مع موقع تحيا مصر عن عدد من التفاصيل حول حياته الشخصية والفنية، وعن بدايته في مجال التمثيل، كاشفا العديد من الأسرار وأراءه في عدد من الأمور الجدلية.

تحيا مصر يرصد في ذلك التقرير أبرز تصريحات أحمد خالد

التمثيل كاريري والزعيم مثلي الأعلى

كشف أحمد خالد عن دخوله مجال التمثيل، فقال: التمثيل هواية عندي منذ الصغر وبعتبر كاريري، وبدأته بإني باخد ورش تمثيل، وبعدها المخرج اسماعيل فاروق رشحني للمشاركة في مسلسل مشوار الونش والحقيقة إنها كانت تجربة جميلة ولذيذة وأضافت ليا كتير جدا.

وعن مثله الأعلى قال أحمد خالد: الزعيم عادل إمام بالنسبالي مثل أعلى وبقول للي بيطلعوا عليه شائعات دعوا الخلق للخالق، الراجل كويس أسرته مش عايزة تطلعه دلوقتي هما حرين، والناس من حبها فيه عايزة تشوفه زي ما حصل في عيد ميلاده لكن واجبنا إننا نسيبه في حاله.

موقف أحمد خالد من الأدوار الجريئة 

ووضع أحمد خالد شروط ومعايير لعمل دور جريء، فقال: أنا مع ان السينما تمثيل وأي حاجة بتطلبها لازم نعملها، بشرط إن العمل ده ميكونش مسلسل يدخل البيوت لو مسلسل وفيه دور جريء وعارف إنه هيدخل البيت هرفضه، ولكن لو السينما عادي وده لأن الناس هي اللي بتدفع فلوس عشان تتفرج والفيلم بيكون معروف انه فيه أدوار مش مناسبة، وفي النهاية مش هعمل حاجة ممكن تستفز الناس.

واستكمل: أنا هيبقى طريقتي مختلفة شوية في اختيار أدواري لأن عندي مدير أعمال وشركة وهيكون في مجموعة من الاشخاص هما اللي هيقرأوا الأعمال دي وهاخد رأيهم فيها، فمش أي حاجة هعملها.

أحمد خالد وندى الكامل

وتطرق بحديثه عن قصة معرفته بـ ندى الكامل، فقال: أنا وندى أهلنا من دمياط وكنا جيران فبنشوف بعض من زمان، ولكن مكناش قريبين ولا فيه بينا كلام، وبعضها حصل حوار وكلام ما بينا والموضوع اتطور وبقى حب وانتهى الحب ده بالجواز.

وعن فارق السن بين الزوج والزوجة، أوضح أحمد خالد رأيه، قائلا: السن ده مجرد رقم والشخص أما ترتاح معاه وتحس إنه هو ده اللي شبهك ومناسب معاك، عمرك ما هتبص هو عنده كام سنة، في ناس كتير في العالم فرق السن بينهم كبير جدا وحياتهم ناجحة وهادية ومتفاهمين، فالعمر مش بيشكل أزمة طالما الشخصين بينهم تفاهم.

تابع موقع تحيا مصر علي