عفاف مصطفى تدافع عن مادلين طبر بعد تصريحاتها عن الزعيم: كلامها مناسب وشجعني

دافعت الفنانة عفاف مصطفى عن الفنانة مادلين طبر بعد انتقادها بسبب تصريحاتها عن الزعيم وأسرته التي اتهمتهم بعد الموافقة على الإفراج عنه.

تحيا مصر يرصد تصريحات عفاف مصطفى عن مادلين طبر. 

تصريحات عفاف مصطفى عن مادلين طبر

وقالت عفاف مصطفى في تصريح خاص لموقع تحيا مصر: كلام مادلين طبر مناسب جدًا وهي اللي شجعتني اتكلم.. أنا لما شوفتها عملت المبادرة دي أنا كنت من زمان بحاول اشوفه وابعت رسايل مكنش بيرد على رسايلي رامي واستاذ عادل تليفوناته مغلقة لو كان رد عليا مكنتش هكتب على الفيسبوك.

وتابعت: الموضوع أنه راجل له مواقف عظيمة فشيلهاله بس لا أكتر ولا أقل كنوع من الولاء والمحبة.. معرفش يمكن مش عايزين زحمة حواليه بس فيه ناس راحوله من غير ما يعرف.

تصريحات مادلين طبر 

من جانبه، كانت قالت مادين طبر: كان أمنيتي إن عائلته تفرج عنه ويحضر تكريماته، تصوروا حضر هيحصل إيه؟ هانستقبله برموش عنينا، إنما التكريم بعدم وجوده حلو واحترام من محمد رياض ابن الناس المحترمين، ولكن لا يكفي لازم يحضر.

وتابعت: لازم نقتحم الفيلا، والناس اللي اقتحموا بيته وعرفوا يعملوا له عيد ميلاد برافو عليهم وده المهم، أنا لا أستطيع التواصل مع الزعيم عادل إمام، الرقم اللي كان الزعيم بيرد عليه لما كان بصحته مبقاش يرد عليه.

أزمة مادلين طبر بسبب الزعيم 

وأضافت: ورامي ابنه مبيردش خالص، طيب نطمن على الزعيم إزاي؟، لازم نقتحم الفيلا، والناس اللي اقتحموا بيته وعرفوا يعملوا له عيد ميلاد برافو عليهم وده المهم.

لترد عليها بسمة وهبة قائلة: الزعيم عادل إمام خط أحمر، ده الزعيم يا ست مادلين طبر، وأنا هاقدم فيكي بلاغ دلوقتي إنك بتقولي نروح نقتحم الفيلا، دي دعوة غير قانونية بالمرة.

وتابعت: جمهور الزعيم في قمة الحزن من هذه التصريحات، فيه كلمة هى رمياها ولها معاني كتير، وهي كلمة تفرج عنه، كلمة ليها معنى وحش قوي ولا تليق.

وقال أشرف زكي: حابب أطمن الناس وأقول الحقيقة كاملة على مسؤوليتي، الزعيم عادل إمام بحالة جيدة جدا واتصلت به من أيام قليلة جدًا، وقالي أهلا يا أشرف، ما تيجي الفيلا أنا كل يوم قاعد، تعالى كل لقمة، واطمن على أسرتي وسألني عليهم بالأسماء ومقفلش الا لما قالي هتيجي امتى.