سعد سمير يثير الفتنة بين لاعبي فيوتشر بسبب المستحقات المتأخرة

اشتعلت الأجواء خلال الساعات الماضية، بعد هجوم أحد لاعبي فيوتشر السابقين على إدارة النادي بسبب تأخر صرف مستحقاتهم المتأخرة، مما أثار جدلا كبيرا على الساحة بسبب طريقة انتقاد اللاعبين للإدارة.

وعلم تحيا مصر من مصادره الخاصة أن سعد سمير، لاعب الأهلي السابق، الذي قضى الموسم الماضي على سبيل الإعارة في صفوف فيوتشر، كان السبب في هجوم اللاعبين على إدارة النادي بهذا الشكل.

ولعب سعد دورا كبيرا في إشعال الأجواء بين اللاعبين وإدارة فيوتشر، بسبب قرار الإدارة بخصم 20% من مستحقات اللاعب وإيقافه شهرا في وقت سابق من الموسم، بسبب تصرفاته داخل الفريق.

ويحاول سعد الضغط على إدارة فيوتشر بورقة مستحقات اللاعبين القدامى وإثارتهم، من أجل تراجع الإدارة عن خصم مستحقاته بالموسم الماضي، وهو ما فطن إليه معظم اللاعبين وتراجعوا عن الدخول في مهاترات مع النادي مؤكدين ثقتهم في إدارة فيوتشر.

رضا بوبو يدين مسئولي فيوتشر 

دان محمد رضا بوبو لاعب الفريق الأول لكرة القدم بنادي بيراميدز، مسئولي ناديه السارق “ فيوتشر”، بسبب عدم حصوله على مستحقاته المتأخرة، واتهمهم بالغدر والخيانة والتحايل عليه خلال الفترة الأخيرة.

ونشر بوبو، منشور عبر،حسابه الرسمي “ فيس بوك”،  وقال: “ خلاص مابقتش قادر أصبر أكتر من كدة بصراحة حتى لو العواقب كتير ولو هيحصل إيه المهم أهدي النار اللي جوايا شوية عشان أكون حتى ارتحت من جوايا وكدة كدة ربنا موجود وهيجبلي حقي ”.

وأضاف: “أنا كنت خلصت وجالي اتصال تعال  ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت على النادي”.

وتابع: “  الساعه 11 بليل الناس قابلتني في النادي وقالوا لي عامل أي يارضا عايزينك تمضي ورقتين ورقة مخالصة  والاستغناء  قولتلهم الاستغناء حاضر همضي مفيش مشكلة أمال إيه  اللي يخليني أمضي مخالصة وأنا ليا4 مليون” 200 ألف جنيه في واحد لا داعي لذكر اسمه لأنه ده ميعرفش ربنا طبعا قعد يكلمني ولازم تمضي ولازم تمضي أقوله إزاي  ياكابتن أمضي مخالصة  وأنا ليا فلوس قولت مش همضي ومشيت ومضيت على الاستغناء جالي اتصال امضي وانت فلوسك عندي ومتقلقش امضي وانت وزملائك  اللي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم أكيد يعني قال أه امضى بس اتفقت مع الاتنين اللي كانوا معايا عشان كنا متفقين إننا هنعمل كل حاجة بالإتفاق مع بعض فاقالوا هنضمي كلنا ونروح التلات ناخد الفلوس".