نجوم مسلسل جعفر العمدة يتألقون في الدورة الثانية من مهرجان القاهرة للدراما

تألق نجوم مسلسل جعفر العمدة، وهم المخرج محمد سامي والفنانة الكبيرة هالة صدقي والنجم محمد رمضان بالدورة الثانية من مهرجان القاهرة للدراما، المقام حاليًا في مدينة العلمين.

تحيا مصر يرصد حضور نجوم جعفر العمدة الدورة الثانية من مهرجان القاهرة للدراما.

حفل افتتاح مهرجان القاهرة للدراما 

وظر كلا من محمد سامي ومحمد رمضان ببدلة سوداء، بينما خطفت هالة صدقي الأنظار بفستان باللون الفضي.

تصريحات محمد رمضان

على الصعيد الآخر، قال محمد رمضان خلال لقائه مع معتز الدمرداش: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

لقاء محمد رمضان مع معتز الدمرداش 

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

وسبق وقال محمد رمضان: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وتابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.