مشوفتش والدتي سعيدة يوم وعمري ما أنسى أول مرة أبويا مد ايده عليها.. أبرز تصريحات أنغام

فجرت الفنانة المصرية أنغام عدة تصريحات عن طفولتها وعائلتها خلال لقائها في برنامج AB TALKS.

تحيا مصر يرصد تصريحات أنغام. 

تصريحات أنغام 

وقالت أنغام: بعد ما شوفت أبويا بيضرب أمي وأنا طفلة مبقتش اسلم عليه ولا أبوسه، وبعمل ده وأنا مرتاحة، وبقى عندي مسئولية أني أحمي ماما طول الوقت.

أنغام تتحدث عن اعتداء والدها على والدتها

وتابعت: سألت والدتي ليه كملتي مع والدي بعد ما ضربك، وكان ردها عليا  كنت هعمل ايه هروح بيكم فين انتوا الاتنين، مشفتش والدتي سعيدة يوم، ولومتها بقسوة وأمي مكنش ليها ظهر من أهلها، وأخويا ملحقش يشوف أخت عادية في البيت، هو وعي وأنا كنت مشهورة ومسئولة، وأنا مديله العذر في كل حاجة.

وأضافت: الموسيقى هي حياتي هي طريقة التعبير واحساسي.. وبحب الشهرة في النجاح، ومش بحبها في أشياء أخرى وتعامل الناس معاها.

واستطردت: أنا في غاية الامتنان للإعلام اللي أنا خرجت منه اللي كان في بداياتي.. الإعلام الحالي بتأقلم عليه أنا جاية من زمان مختلف، ومش بحب أشوف نفسي ضعيفة او مهدوده ومش بعرف ابين ده، ومرت بحالات اكتئاب كتير في سنين طويلة كنت مكتئبة وقعدت سنين أخد أدوية، وكنت منفتحه عاطفيا وده كان غلط في تجربتي.

أنغام تتألق بأغنية سيبك أنت

على الصعيد الآخر، كانت تألقت  أنغام بفيديو كليب جديد لها باسم سيبك أنت، من كلمات أمير طعيمة، ألحان وليد سعد، توزيع مادي، وميكس وماستر أمير محروس، والفيديو كليب من إخراج عادل جمال.

كلمات اغنية سيبك انت انغام

أنا قلت أقولك أخباري مع انك أصلا ما سألتش
أنا من يوم بعدك محبوسة في نفس الأوضة
مسجونة في عالم أفكاري
مش عايشة لكن برضه ما موتتش
تقدر كده يعني تقول إن أنا مش موجودة

سيبك انت
اهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابيس تقلق نومك

ومفيش مشكلة خالص لو حد بسببك ضاع
وف ثانية تبيع وتقوله وداع
دي حاجات مَش مستاهلة عشانها تبوظ يومك

بقي ليلي بيشبه لنهاري
والشمس بتشرق وبتغرب
والدنيا بتمشي وتتغير وأنا على حالي
إحساس الوحدة الاجباري
بقي هو الايد اللي تطبطب
بقى ونسى وصاحبي وهو الحاجة الباقيالي
سيبك انت

أنا قلت أقولك أخباري مع انك أصلا ما سألتش
أنا من يوم بعدك محبوسة في نفس الأوضة
مسجونة في عالم أفكاري
مش عايشة لكن برضه ما موتتش

تقدر كده يعني تقول إن أنا مش موجودة

سيبك انت

اهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابيس تقلق نومك

ومفيش مشكلة خالص لو حد بسببك ضاع
وف ثانية تبيع وتقوله وداع
دي حاجات مَش مستاهلة عشانها تبوظ