ميار الببلاوي: جددت عقدي مع قناة الشمس لمدة 5 سنين

أعلنت الفنانة والإعلامية ميار الببلاوي عن تجديد عقد برنامجها مع قناة الشمس لمدة 5 سنين، وذلك بعد النجاح الذي حققته به.

تحيا مصر يرصد تجديد عقد ميار الببلاوي مع قناة الشمس.

تجديد عقد ميار الببلاوي مع قناة الشمس

وقالت الببلاوي في تصريح خاص لموقع تحيا مصر: الحمدلله برنامجي ناجح ومحققة إنجازات كبيرة ولسه مجددة عقدي مع قناة الشمس.

تصريحات ميار الببلاوي

هذا و كانت كتبت ميار الببلاوي عبر حسابها الرسمي بموقع التواصل الاجتماعي فيسبوك عن أزمة وفاء مكي: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

علاقة ميار الببلاوي بقضية وفاء مكي

وتابعت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وأضافت الفنانة والإعلامية ميار الببلاوي: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.