جومانا مراد عن الدراما المصرية: فارضة نفسها وبقوة ومبسوطة بالتطور اللي بيحصل فيها

كشفت الفنانة جومانا مراد عن سعادتها بحضورها مهرجان القاهرة للدراما في دورته الثانية، وذلك خلال لقائها مع المذيعة بوسي شلبي في برنامج ليالي Ten على قناة Ten. 

تحيا مصر يرصد تصريحات جومانا مراد. 

تصريحات جومانا مراد

وقالت: الدراما شيء مهم جدًا وأنا ابتديت دراما وسعيدة بتواجدي بمهرجان الدراما وبقى فيه مهرجان للدراما ودايمًا متعودة على مهرجانات للسينما مش للدراما وبقول للناس لازم تيجو العلمين والساحل، وسعيدة بالحضور الكبير للفنانين والتنظيم في غاية الجمال، وسعيدة إن دكتور يحيى الفخراني رئيس المهرجان والحمد لله.

وتابعت: بقالي 16 أو 18 سنة بشارك في الدراما المصرية وليا تاريخ فيها، دايمًا بقول كلنا اتربينا على الدراما المصرية ودراما فارضة نفسها وبقوة وهي الأساسية اللي نشأنا عليها ومبسوطة بالتنوع والتطور اللي بيحصل فيها دلوقتي، وتقنية تصوير المسلسلات بقيت سينمائية واختلفت عن دراما زمان ويمكن بقى فيه جرأة في الطرح ومنصات ومحطات أكتر  بالنجاح ده وبكل ما فيه محطات ومنصات أكتر وتبقى الحركة الفنية كبيرة من كتاب وممثلين ده كله بيساهم في إثراء الدراما.

جومانا مراد ضيفة الستات ميعرفوش يكدبوا

وكانت قالت جومانا مراد خلال حلولها ضفة على برنامج "الستات ميعرفوش يكدبوا" والذي يعرض عبر فضائية cbc، وتقدمه الإعلاميتين مفيدة شيحة وسهير جودة أنها تفضل نوعية الأدوار الشعبية لأنها تكون قريبة من فئة معينة من الجمهور وتستمع بنوعية تلك الشخصيات، موضحة :"وأنا ماشيه بالعربية بشوف دي لابسه إيه ودي بتتكلم إزاي دايما بخلي عندي مخزون وفي كل مرة بعمل شعبي بكون مختلفة ومكررش نفسي".

وأوضحت جومانا مراد أنها تفضل فيلمي الفرح وكبارية ولهما معزة خاصة في قلبها، حيث كانت بدايتها الحقيقة في السينما من خلال فيلم كبارية مع المخرج سامح عبدالعزيز وهناك أشخاص كثيرون لم يعرفون شخصيتها الحقيقة سوى في النصف الثاني من بقية أحداث العمل.

جومانا مراد تتألق في يوم 13

ولفتت الفنانة جومانا مراد، إلى  أن دورها في فيلم يوم 13 ضيفة شرف ولكنه محوري حيث تدور القصة حول شخصيتها وهي الروح التي تظهر لأبطال الفيلم خلال أحداث العمل، موضحة أنها أحبت أن تكون جزء من تلك التجربة الهامة.