محمد فراج: أنا زوج مشاكس بيحاول يكون مثالي.. ومش بهتم بشائعات انفصالي

أكد الفنان محمد فراج على أن زوجته بسنت شوقي، هي من حمسته للمشاركة في فيلم فوي فوي فوي، وذلك خلال لقاء له ببرنامج أسرار النجوم، الذي تقدمه الإعلامية إنجي علي، عبر محطة راديو نجوم إف إم.

تحيا مصر يرصد تفاصيل تصريحات محمد فراج في برنامج أسرار النجوم

وقال محمد فراج: لما قرأت الفيلم كنت خايف، ولكن بسنت بتقرأ أسرع مني وهي اللي طمنتني وحمستني جدا للعمل.

محمد فراج: أنا زوج مشاكس

وفي الحلقة ذاتها، كشف محمد فراج عن رأيه في شائعات الطلاق التي يتعرض لها، فقال: أنا زوج مشاكس بيحاول يكون مثالي، وفي النهاية الشائعات مش بتسيب حد ناجح، وعايش حياة كويسة وبيتطور لا بيتكملوا عليه، والسوشيال ميديا عندنا 90% بتركز على حاجات مش حقيقية ومينفعش نتكلم فيها.

وتابع: ولكن النماذج الناجحة الناس بتسيبها، وهي حاجة مخيبة بالنسبالي، ومش هسيب شغلي وأسرتي اللي بحاول أبنيها وأمسك كل واحد أقول له بتكتب كده ليه، اللي بيتكلم يتكلم والقافلة تسير في النهاية.

تفاصيل فيلم ڤوي ڤوي ڤوي

جدير بالذكر، أن فيلم ڤوي ڤوي ڤوي من إنتاج فيلم كلينك وفوكس ستوديوز وإيمج نيشن أبوظبي، تأليف وإخراج عمر هلال، وتدور قصة فيلم ڤوي! ڤوي! ڤوي حول شاب ينضم  لفريق كرة قدم للمكفوفين، ويفوز في خداع كل من حوله، وهو من بطولة النجوم محمد فراج، نيللي كريم، بيومي فؤاد، طه دسوقي، والعمل من تأليف وإخراج عمر هلال، ومن المقرر أن يحقق نجاح كبير خلال فترة عرضه في السينمات المصرية.

وظهر فراج في لقطات مختلفة وهو يتسلق سور إحدى الملاعب وأيضا وهو يمثل دور الكفيف وغيرها من اللقطات، ويبدوا أن العمل مستوحى من أحداث حقيقة وفقا لما أعلنه البرومو التشويقي للعمل.

انفصال محمد فراج وبسنت شوقي

وعلى صعيد أخر، خرج الفنان محمد فراج للرد على شائعات انفصاله عن الفنان بسنت شوقي، وذلك خلال لقائه ببرنامج et بالعربي، مشيرا إلى أنه نادرًا ما يلتفت لأحاديث السوشيال ميديا.

وقال محمد فراج خلال البرنامج: لا حول ولا قوة إلا بالله.. أنا مبردش إلا لو الموضوع يستاهل الرد ومبحبش أخد ردود أفعال ممكن تدني فيما بعد، فخلوا اللي يتكلم يتكلم، أنا مش بتدخل في حياة حد ولا بيفرق معايا مين عمل اي لأني مش هستفيد حاجة، يإما الموضوع هيعود عليا نفسيا.