إلهام شاهين ترد على منتقديها بعد طرح بوستر الفريدو: الموضوع مش هو اللي في دماغكوا

خرجت النجمة الكبيرة إلهام شاهين لترد على منتقديها بعد طرح بوستر مسلسل الفريدو بطولتها إلى جانب الفنان أحمد فهمي والمقرر طرحه خلال الفترة الماضية. 

تحيا مصر يرصد رد إلهام شاهين على منتقدي مسلسلها الفريدو. 

إلهام شاهين تكشف قصة مسلسل الفريدو

وقالت إلهام شاهين في تصريح خاص لموقع تحيا مصر: مين قال أن في قصة حب أصلًا في المسلسل هو مش في حب الوطن والأهل والديانة الحب أنواع كتير أوي مش رجل وامرأة متستعجلوش في الاستنتاجات. 

وتابعت: أنا دايمًا موعودة اني لما اعمل مجرد ما ينزل الأفيش تبدأ الناس تتكلم انتظروا متستعجلوش والموضوع مش هو اللي في دماغكوا. 

رأي إلهام شاهين في الدراما

من جانبه، كانت أوضحت إلهام شاهين في تصريحات خاصة لـ موقع تحيا مصر: الدراما في تطور ولكن عندا افتقار في الموضوعات لازلت بفتقد أسماء كتير من الكتاب الكبار واتمنى الفترة الجاية يبقى فيه موضوعات مهمة وقوية ويمكن عشان اشتغلت مع اسامة أنور عكاشة ووحيد حامد ومحسن زايد، ومحمد جلال عبد القوي وأسماء على مستوى عالي من الدراما فبتفقدهم جدا وبفتقد عمق الموضوعات المهمة والتنوع وإن شاءالله يكون في شباب أقوية وانا دايما متفائلة ان القادم أحسن. 

تصريحات إلهام شاهين 

وسبق وأعربت إلهام شاهين عن حماسها من المشاركة في مهرجان القاهرة للدراما بدورته الثانية، فقالت: متحمسة لأن أما يبقى مهرجان عليه اسم الدكتور يحيى الفخراني أهم نجم في الدراما المصرية يبقى شيء محترم، واللي بتنظمه النقابة برئاسة الدكتور أشرف زكي فأنا بتعامل مع ناس رائعة، وبحترمه جدا، ولجنة التحكيم أنا سعيدة إن انا واحدة منهم معايا كريم عبد العزيز والمخرج جمال عبد الحميد، والكاتب عبدالرحيم كمال والناقد طارق الشناويمجموعة كلها على مستوى عالي جدا واختيارات هايلة، و مبسوطة إن هيتعمل في العلمين لان المهرجانات الفنية زي ما هي دعاية للفن والثقافة هي أيضا دعاية سياحية رائعة، والعلمين دي من أجمل الشواطيء وتستحق الاهتمام مننا جميعا، وهتبقى مستفبلا من أهم منطقة في الساحل الشمالي واكيد كلنا سعداء بالانجازات اللي بتحصل والتغيير اللي بيحصل في البلد وكل يوم بنشوف حاجات أجمل وبلدنا بتبقى أجمل ومشجعة جدا ان المهرجان يتعمل هنا في الساحل.