محمود الليثي: قيمة الفنان مينفعش تتقاس بالفلوس او عدد المتابعين

تحدث الفنان محمود الليثي عن تجربته في فيلم عنب والتي تشهد أولى تجارب رشا الظنحاني الفنية في شركة انتاجها الجديد، معربا عن سعادته بهذا التعاون والذي من المقرر أن يمثل اختلاف له بشكل كبير.

تحيا مصر يرصد في ذلك التقرير تصريحات محمود الليثي عن فيلم عنب

محمود الليثي يشيد بـ شركة رشا الظنحاني

وقال محمد الليثي خلال لقاءه بـ موقع تحيا مصر: ده أول تعامل بيني وبين المنتجة رشا الظنحاني وإن شاءالله مش هيكون أخر مرة، ومهم جدا نكون شغالين مع شركة انتاج عنده رسالة عايزة تحققها بطريقة سهلة وبسيطة والحمدلله ده متوفر معها.

وردت عليه رشا الظنحاني، فقالت: احنا كلنا قلب واحد وأنا كشريكة انتاج عايزين نحقق حاجات ناجحة وأفكار كويسة.

محمد الليثي عن فيلم عنب: بنحاول نقدم حاجة مختلفة عن اللي موجودة في السوق

واستكمل حديثه: احنا بنحاول نقدم حاجة مختلفة عن اللي موجودة في السوق الفترة دي وان شاءالله ربنا يكرمنا لأن النجاح بتاع ربنا 

وعن أعلى أجور الفنانين، فقال: كل فنان ليه قيمته وقيمة الفنان مش بالفلوس الفلوس دي مجرد وسيلة، وقياس البني أدم بالفلوس او المتابعين دي مش فكرة صحيحة، الانسان باللي جواه وبثقافته وفكرة مش بعدد الفلورز وياما ناس كدة بس من جوة فاضية.

تفاصيل فيلم عنب

فيلم عنب من بطولة النجوم: الفنانة آيتن عامر، إسلام إبراهيم، محمود الليثي، نور قدري، توني ماهر، والفيلم من قصة أمين جمال، تأليف يوسف سالم وأحمد سالم، ومن إخراج أحمد نور، ومن إنتاج شركة رشا برودكشن، المنتجة رشا الظنحاني، ومن المقرر طرحه خلال الفترة المقبلة فور الانتهاء من تصويره، وتدور أحداثه في إطار الكوميديا.

وكشف عدد كبير من ابطال فيلم عنب عن أدوارهم وذلك خلال لقائهم بموقع تحيا مصر، حيث قالت ايتن عامر:بقالي كتير معملتش البنت الكيوت اللي مش فاهمة أي حاجة في حياتها، ومش شبهي خالص، وكل الممثلين الموجودين بتجمعني بيهم مشاهد.

كما صرح اسلام ابراهيم لموقع تحيا مصر وقال: دور حازم المنشاوي، شاب لطيف وغني ونرجسي شوية، ودلوع شوية، وهيشرب العنب حياته هتتغير تماما.