أصحاب تراك عتمة.. الوايلي يهاجم سمر طارق: بتنكر دوري ومعندهاش احترافية ولا مهنية

خرج المطرب كريم عماد جابر الشهير بـ “الوايلي” ليهاجم المطربة سمر طارق بعد تعاونهم سويا في تتر مسلسل سفاح الجيزة والذي أتى بعنوان “عتمة” ونجاحهم سويا في مسلسل الهرشة السابعة.

تحيا مصر يرصد في ذلك التقرير تصريحات الوايلي عن سمر طارق بعد نجاحهم في العتمة

الوايلي: أخر مرة هتعامل فيها مع سمر طارق 

وكتب الوايلي عبر حسابه الرسمي بموقع التواصل الإجتماعي “فيسبوك”: مبسوط ان سفاح الجيزة خلص وكنت مستنى اللحظة دى عشان اقول حاجة مهمة دى اخر مرة فى حياتى هتعامل فيها مع سمر طارق  لأسباب كتيرة جدا.

وتابع حديثهم: اولهم عدم الاحترافية والمهنية وثانيهم محاولاتها  فى انكار اى دور ليا فى اى حاجة لدرجة توصل انها بتكدب كدب صريح فى الانترفيوز لمجرد انها تدى كريدت لنفسها على حاجة معملتهاش .. انا وانا بكتب دلوقتى حسيت ان كمية المواقف الى مش لطيفة الى هى كانت السبب فيها او الادارة بتاعتها السبب فيها على مدار السنة الى فاتت كلها سواء فى تراك لو بتاع الهرشة السابعة او عتمة كتيرة اصلا على انى اشرحها او اتكلم عنها .

الوايلي يحذر من التعامل مع سمر طارق

واختتم: فا هكتفى بأنى احذر صحابى البروديوسرز منها وخلاص .. وبجد بتمنى الظروف متستدعيش اقعد احكى كل موقف حصل فيه ايه عشان مش دا الى حابب اكون بضيع وقتى فيه الفترة الجاية.

وكانت قد تحدث سمر طارق عن طرح عتمة في مسلسل سفاح الجيزة: أي أغنية أطرحها أتخيل أنه سيأتي يومًا ما ويحقق انتشارًا كبيرًا، وأعتقد فكرة انتشار الأغنية بشكل أوسع تتحقق من خلال الأعمال المرئية المسلسلات أو الأفلام لذلك أنا سعيدة لأني أسعى تجاه تحقيق حلم.

تفاصيل مسلسل سفاح الجيزة

مسلسل سفاح الجيزة يشارك في بطولته عدد كبير من النجوم والنجمات، منهم: أحمد فهمي، ركين سعد، حنان يوسف، باسم سمرة، صلاح عبد الله، داليا شوقي، جيهان الشماشرجي، وغيرها، والعمل من تأليف محمد صلاح عزب، وإخراج هادي الباجوري.