توفيق عبد الحميد يحتفل بعيد ميلاده الـ 67 بهذه الرسالة

حرص الفنان توفيق عبد الحميد على الاحتفال بـ عيد ميلاده الـ 67 على طريقته الخاصة، وذلك من خلال توجيه رسالة عبر حسابه الرسمي بموقع التواصل الاجتماعي “فيسبوك”.

تحيا مصر يرصد في ذلك التقرير احتفال توفيق عبد الحميد بعيد ميلاده الـ 67 

توفيق عبد الحميد يحتفل بـ عيد ميلاده الـ 67

وكتب توفيق عبد الحميد عبر حسابه الرسمي بموقع التواصل الإجتماعي “فيسبوك”: عدت يا يوم مولدى الليلة اكمل عامى ٦٧ وانا لا احب هذا الرقم على الاطلاق

وتابع حديثه، قائلا: اوعى تتخيل انى متشائم بل على العكس تماما متفائل جدا بس خايف.

توفيق عبد الحميد: كنت باخد راتبي الشهر بما يعادل ثمن علبة كشري دلوقتي

وقال توفيق عبد الحميد أيضا في منشور أخر: اخدت ليسانس الحقوق عين شمس ٧٩ ودخلت فنون مسرحية فى نفس العام وقتها ابويا قالى عايز تدرس تانى انت حر بس تصرف على نفسك انت ليك خمس أشقاء لازم كل حد فيهم ياخد شهادة جامعية زيك  ودخلت الجيش وانا فى المعهد وخلصت الجيش وعملت اول بطولة فى المسرح مسرحية الكلامنجية.

توفيق عبد الحميد: محمود الحديني ضحك عليا وقالي بدل ما اعملك عقد مسرحية هعملك عقد 6 شهور

وتابع حديثه: وضحك عليا محمود الحدينى مدير المسرح الحديث وقتها وقالى احنا بدل ما نعملك عقد بالمسرحية نعملك عقد ٦ شهور ولما يخلص نعملك عقد تانى زيه يخلص تبقى عدت السنة ولما يجيلك التعيين نبعت جواب ترشيح للقوى العاملة علشان تبقى تتعين عندنا والعقد ده هيبقى ب ٤٥ جنيه فى الشهر بعد الخصومات يبقى ٣٩ وكسور قليلة وطبعا خلانى اشتغلت بالعقد ده فى حوالى ٥ مسرحيات تخلص واحدة يدخلني فى التانية .

واستكمل: يعنى لو كنت اشتغلت فى فرقة خاصة مش حكومة مكنتش استنزفتنى بالشكل ده المهم وقتها انا اعتبرتها صفقة رابحة لأنها ستمنحنى مرتب شهرى يسمح لى بالاعتماد على نفسى حتى انتهى من دراستى حسب اتفاقى مع ابويا.

واختتم: بس عمرى ما تخيلت ان مرتبى الشهرى هذا سياتى عليه وقت ويصبح ثمنا لعلبة كشرى او ٤ سندوتشات فول وطعمية وعجبى بالمناسبة الليلة اكمل عامى السابع والستين وهو رقم لا أحبه على الاطلاق.