حاتم صلاح: الكبير أوي 8 برمضان 2024 ومكنتش قلقان من بطولة على باب العمارة

كشف الفنان حاتم صلاح عن مشاركته في مسلسل الكبير أوي 8 برمضان 2024، وعن كواليس مشاركته في مسلسله الجديد على باب العمارة، من خلال مداخلة هاتفية لبرنامج مساء الإمارات للإعلامي عبدالعزيز أحمدالمذاع عبر شاشة الظفرة.

تحيا مصر يرصد لكم أبرز تصريات حاتم صلاح عن مشاركته في مسلسل الكبير أوي 8 وعن كواليس مسلسل على باب العمارة الذي يذاع حاليًا

حاتم صلاح: إن شاء الله في مسلسل الكبير أوي 8 وهتشوفوا نفادي في رمضان 2024

أعلن الفنان حاتم صلاح عن مشاركته في مسلسل الكبير أوي 8 المقرر عرضه في السباق الرمضاني 2024، وقال: "إن شاء الله في الكبير أوي الجزء الثامن، هي معلومة ناس كتير مش عارفاها لسه، ومش عارف صح ولا غلط إني قولت لكن هتشوفوا نفادي إن شاء الله".

وقال حاتم صلاح عن مسلسل الكبير أوي: "النجم الكبير أحمد مكي هو آه بطل الكبير أوي لكن في مشاهد كتير ممكن ميكونش هو البطل فيها وأنا بالنسبة لي أنا قعدت مع الناس دي بقالي سنتين وطبيعي أني ممكن أدخل تجربة بطولة على باب العمارة".

وعن كيف جاء ترشيحه لدور البطولة في مسلسل على باب العمارة، قال حاتم صلاح: "كلمني أستاذ خيري سالم إنتاج دكتور بيتا وأنا مكنتش محضر أن أعمل دور رئيسي دلوقتي بس مكنتش قلقان منها برضو لأن الورق والمخرج كويسين بعتبره ده دور عادي زي أي دور أنا بقدمه، وأنا بعتبر أن دوري في الكبير أوي من أدوار البطولة ومعايا كوميديانات مصر كلهم وهو شخصية بلعبها وبحاول أكون موجود وسط الجروب".

وعن شخصية عوض في مسلسل على باب العمارة قال حاتم صلاح: "أنا قرأت الورق بعد ما كلمني أستاذ خيري ولسه مش عارف أنا هعمل إيه لمدة 3 ساعات كان مكتوب منه 5 حلقات، بس مصطفى حمدي عظيم وبحب شغله لأن أنا اشتغلت معه في شلبي وبيعمل مواقف في الكوميدي حلوة والكوميديا بتبقى أسهل، وبعد 5 ساعات كلمت أستاذ خيري وقولت له أنا موافق وعايز ألعب الشخصية دي".

حاتم صلاح: كنت خايف لأن عوض شخصية صعيدي زي نفادي ومكنتش عايز أستغل النجاح ده

وكشف حانم صلاح عن أكثر ما يخشاه من الدور قبل البدء فيه وقال: "واللي كان مخوفني أن عوض شخصية صعيدي زي نفادي وعايز أعمل حاجة بعيدة ومختلفة وشخصية تانية ومتقربش فيها لشخصية نجحت مكنتش عايز أستغل نجاح معين، واشتغلت مع محمد خليفة مدير أعمالي وقرأنا المسلسل كتير أوي وبعدين اشتغلت مع عبدالنبي الهوراي كان مصحح اللهجة وفي نفس الوقت رجل صعيدي أصيل".

مسلسل على باب العمارة

يشارك بجانب حاتم صلاح كل من محمد رضوان، آية سماحة، محمد محمود، محمد عبدالعظيم، عزة لبيب، ريهام الشنواني، أمير عبدالواحد، بوسي الشامي، في بطولة مسلسل على باب العمارة، والتي تدور أحداثه في أطار كوميدي.