هاني فرحات: بنعمل مهرجان الموسيقى العربية في ظروف صعبة.. وحمزة نمرة وآدم يشاركان لأول مرة

تحدث المايسترو هاني فرحات عن الدورة الجديدة لـ مهرجان الموسيقى العربية بدورته الجديدة والتي تحمل رقم 32، مشيرا إلى أنها أصعب الدورات التي تقدمها دار الأوبرا المصرية، وذلك بسبب الظروف العصيبة التي تمر بها البلاد.

تحيا مصر يرصد في ذلك التقرير تصريحات هاني فرحات عن الدورة الجديدة من مهرجان الموسيقى العربية

هاني فرحات: فيه نجوم أتمنى يظهور بشكل مختلف في الدورة دي

وقال هاني فرحات على هامش المؤتمر الصحفي لـ مهرجان الموسيقى العربية في دورته الـ 32: فيه أساسيات للمهرجان منقدرش نتخطاها.. فيه نجوم الأوبرا وأتمنى يظهروا للناس بشكل مختلف، حاولنا في ظل ظروف استثنائية صعبة مش على مصر بس دا على العالم كله، احنا بنعمل مهرجان في ظروف صعبة، وحاولنا نتعامل بالعلاقات الشخصية عشان نقنع المطربين يغنوا في المهرجان.

وعن نجوم هذه الدورة، قال هاني فرحات: أنغام رجوعها للمهرجان بعد سنين كتيرة، وحمزة نمرة وآدم لأول مرة في المهرجان إضافة عظيمة.. وفيه كواليس مقدرش أقولها في التواصل مع الفنانين.

واكد: احنا بنعمل الدورة دي في أصعب ظروف في التاريخ، وشكرا كل كم التنازلات العظيمة اللي المطربين تنازلوها عشان يجوا يشاركوا في المهرجان

هاني فرحات عن قيادته لـ 4 حفلات بمهرجان الموسيقى العربية: هما اللي اشترطوا وجودي

وعن الانتقادات التي طالها بشأن تقديم أكثر من حفل في المهرجان رغم انه رئيس لهذه الدورة، فأوضح: هما اللي اشترطوا وجودي كمايسترو في حفلاتهم عشان يجوا يغنوا في المهرجان.. حاولت معملش أي حفلة ولكن دول قالولي يا كدا يا مش هنيجي، أنا مش ناقص شغل، أنا بحاول اهرب من الشغل.

هاني فرحات: احنا فننا في خطر وهنعمل يوم للموسيقى المعاصرة نستهدف فيه الأجيال الجديدة

وسبق وقال هاني فرحات: احنا فننا في خطر ودور المؤتمر العلمي هيناقش المشاكل دي ونوع الشعبي والراب، وهنطلع بحلول واضحة عشان نحافظ على هويتنا وفنونا من الهجمات على الفن، وحاولنا السنادي نقدم جميع أنواع الفنون، وهنعمل يوم للموسيقى المعاصرة والحديثة نستهدف فيه الأجيال الجديدة، عشان يعرفوا فولكولور بلدهم وتراثهم، وأتمنى نكون في صف واحد واحنا منغيركم منقدرش نخطي خطوة واحدة، انتو سند للمهرجان ولدار الأوبرا،