فيفي عبده عن جيزال خوري بعد وفاتها: قضت حياتها المهنية دفاعًا عن القضية الفلسطينية

حرصت الفنانة المصرية فيفي عبده على نعي الإعلامية جيزال خوري، التي رحلت عن عالمنا فجر اليوم الأحد الموافق 15 أكتوبر، وذلك بعد معاناتها مع السرطان لسنوات.

تحيا مصر يرصد نعي فيفي عبده للإعلامية جيزال خوري. 

نعي فيفي عبده للإعلامية جيزال خوري

وكتبت فيفي عبده عبر حسابها الشخصي بموقع تبادل الصور والفيديوهات القصيرة انستجرام: رحلت عن عالمنا الإعلامية المميزة جيزال خوري، بعد صراع مع المرض، حيث قضت حياتها المهنية دفاعا عن القضية الفلسطينية، وعلى المستوى الشخصي لها مكانة غالية في قلبي.. كان آخر لقاء معها في قناة بي بي سي في القاهرة، رحمة الله عليكي.

لقاء فيفي عبده مع et بالعربي

على الصعيد الآخر، كانت قالت فيفي عبده في لقاءها مع إي تي بالعربي: لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه.

وتابعت: الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.

تفاصيل أزمة فيفي عبده الصحية

وأضافت: دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.

واستطردت: وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.