عمر كمال لمنتقديه: إيه علاقة الموضوع بفلسطين.. لما أقول الحمدلله مش لازم أبقى مبسوط

نشر المطرب عمر كمال إستوري عبر حسابه الرسمي ييعلن فيها اضطراره لاستكمال حفله بسبب تعاقده على حفلاته وأن هناك أفراد كثيرين تعمل معه لديهم عائلات تعولها، وكان ذلك ردًا لـ منتقدي عمل الفنانين بالتزامن مع أحداث غزة في الوقت الراهن، ولكن عمر كمال واجه انتقادات بسبب قوله الحمدلله وربطوها بالوضع الراهن في غزة.

تحيا مصر يرصد لكم رد عمر كمال على منتقديه بسبب إستوري نشره ليعلق على استمرار عمله بالتزامن مع الوضع الراهن في غزة

عمر كمال: إيه علاقة الموضوع بفلسطين مش فاهم حمد ربنا يزعل مين مش فاهم

رد عمر كمال على منتقديه بسبب قوله الحمدلله في إستوري عبر حسابه الرسمي بموقع تبادل الصور والفيديوهات الإنستجرام، نشره مؤخرًا حين أعلن عن استكماله لعمله، وقال: "مش لازم لما أقول الحمدلله أبقى مبسوط وهايص يا جماعة، الحمدلله مش بتتقال عند الفرحة والرزق بس، أنتوا مين اللي فهمكم كده، أنا بقول الحمدلله في مصيبتي وحزني وبقولها في فرحي بقولها وأنا معايا وبقولها وأنا معيش".

وتابع عمر كمال قائلًا:"ربنا بيتحمد على أقل حاجة وعلي كل حاجة أنا لساني أتعود لما أشوف في كلام عن الحمدلله أحطه وأتعودت أكتب دائمًا بوستات أحمد ربنا لأني بشوف مليون حاجة في يومي استحق أحمد عليها ربنا، إيه علاقة الموضوع بفلسطين مش فاهم حمد ربنا يزعل مين مش فاهم".

إستوري لـ عمر كمال تثير غضب الجمهور

ومن جانبه، أكد عمر كمال استكماله لعمله أمس من خلال حسابه الرسمي بموقع تبادل الصور والفيديوهات الإنستجرام، عبر خاصية الإستوري وقال فيها: " مساء الخير على حبايبي وأخواتي، أنا بنزل شغلي عادي وشغال الحمدلله لأن ده شغلي وأكل عيشي، ولازم أفرح الناس ولازم ألتزم  بأي إتفاق قولته للناس وكمان عشان ورايا حوالي 40 فرد بـ 40 أسرة شغالين معايا فاتحين بيوت".

عمر كمال: يارب أكون قدرت أفرحكم في مناسباتكم وسامحوني الفترة دي

واختتم حديثه قائلًا: "ولكن أنا بتأسف لأي حد بيعملي منشن في الإستوري بتاعته الفترة دي مش هقدر أقبله مراعاةً لمشاعر أخواتنا في فلسطين ولكل إنسان حاسس حالة حزن وعلى اللي بيحصل.. ربنا يسعدكم يارب ويارب أكون قدرت أفرحكم في مناسباتكم سواء فرح أو حفلة بس سامحوني الفترة دي".