السر وراء اعتزال طارق عبد العزيز الفن بعد فيلم همام في امستردام

فقدنا خلال الأيام الماضية، فنان كبير رسم البهجه على أوجه جمهوره وحجز له مقعدًا في قلوب محبيه، هو الفنان الرحل طارق عبد العزيز الذي توفى إثر إصابته بأزمة قلبية مفاجأة في لوكيشت تصوير مسلسل وبقينا اتنين.

تحيا مصر

سبب اعتزال طارق عبد العزيز الفن

وفي الصدد نكشف سبب اعتزال طارق عبد العزيز الفن بعد فيلم همام في امستردام، حيث قال طارق عبدالعزيز، خلال لقاء تليفزيوني سابق: أنا اعتزلت التمثيل مرة قبل فيلم ثقافي، كنت عامل دور صغير في فيلم (همام في أمستردام)، وقررت بعدها أعتزل وحسيت إني مش هكمل لأني هحس إني هفضل محصور في أدوار صغيرة ومش هقدم حاجة.

تراجع طارق عبد العزيز عن اعتزال الفن

وتابع طارق عبد العزيز، ولما محمد أمين مؤلف ومخرج فيلم ثقافي كلمني وقالي تعالى، هديك شخصية كذا في فيلم ثقافي، قولتله لا معلش أنا اعتزلت فضل يضحك، أنت اشتغلت عشان تعتزل، قولتله لا كفاية، فلما قالي أنا عندي ليك شخصية بطرس فلفت نظري بطرس وحكالي الشخصية، حسيت بعدها إني رجعت تاني بفيلم ثقافي.

تصريحات طارق عبد العزيز 

وأضاف، كان من ضمن الحاجات العظيمة في حياتي إننا واحنا في حفل افتتاح الفيلم، وأنا خارج من السينما لقيت رأفت الميهي بيكلمني، قولتله احنا هنهزر مكنتش متوقع إن رأفت الميهي هيكلمني أنا، قالي أنا رأفت الميهي مستنيك برا وأنت عامل فيلم كويس.

وعن تفاصيل مكالمته مع الكاتب والمخرج رأفت الميهي، قال: بقوله رايح فين قالي هتيجي تتعشى معايا ولا تتعشى معاهم قولتله معاك طبعا، وعملت مع أستاذ رأفت الميهي فيلم، وكان بالنسبالي حاجة كبيرة إني قاعد مع سيناريست ومخرج عظيم زي رأفت الميهي، فمن ضمن النجاحات اللي ادتني طاقة إني أعمل فيلم أصحاب ولا بيزنس.

اقرأ أيضًا.. 

إلهام شاهين عن مسلسلها الفريدو: ايه المشكلة أنه يكون عن قصة حب بين واحدة كبيرة وشاب

إلهام شاهين: اللي هاجمهوا مسلسل الفريدو خدوا مقلب واعتذروا بعد قلة الأدب 

هذا وكتب مجدي الهواري عبر حسابه الرسمي بموقع التواصل الاجتماعي فيسبوك كاشفًا وصية طارق عبد العزيز: زي ماقولتلي لما اموت يامجدي ابقي قول للناس عندك تترحم علي انت حبيبك كتير 🙏 حاضر ياطارق والنبي ياناس ديه واصية 🙏تعالوا نترحم عليه  كلنا.

وأضاف مجدي الهواري، بس عايز اقولك انك حبيبك كتيييير اوي انت كمان ياطارق واهو الدليل رحمة الله عليك ياصحبي وعليكم السلام ورحمة الله وبركاته ان لله وان اليه راجعون 🙏ومش مصدق والله الي الان 🙏.