آسر ياسين عن مصطفى درويش في العرض الأول لشماريخ: وشه كان حلو عليا

أهدى الفنان آسر ياسين فيلم شماريخ خلال افتتاح العرض الأول للعمل في فعاليات اليوم الثاني من مهرجان البحر الأحمر إلى الفنان الراحل مصطفى درويش.

تحيا مصر

آسر ياسين يهدى فيلم شماريخ لروح مصطفى درويش 

وقال آسر ياسين، إنه يهدي العمل إلى صديقه الفنان الراحل مصطفى درويش، والذي يعتبر آخر أعماله السينمائية قبل رحيله.

تصريحات آسر ياسين 

وتابع آسر ياسين، الفيلم إهداء لروح الراحل مصطفى درويش، كان وشه حلو عليا من مسلسل 100 وش لسوتس بالعربي ودلوقتي في شماريخ، ربنا يرحمه.

فيلم شماريخ، بطولة آسر ياسين وأمينة خليل، خالد الصاوي، آدم الشرقاوي، مصطفى درويش، ومحمد ثروت، ومن تأليف وإخراج عمرو سلامة، وإنتاج شركة سي سينما برودكشن هاني نجيب وأحمد فهمي.

فيلم شماريخ بطولة آسر ياسين 

قصة الفيلم تدور حول رجل أعمال يقع في حب فتاة، وتصل حياته إلى مرحلة من الضغوطات المتفجرة، وكان يجسد مصطفى درويش به دور شقيق آسر ياسين.

وقال آسر ياسين عن شخصيته بفيلم شماريخ: بجسد شخصية راجل بيشتغل في حاجات مش كويسة وقرر أنه يتطهر من كل دا ويتوب عن ماضيه والرحلة دي قصادها تمن والتمن دا ممكن يكلفه حياته، وحياة ناس حواليه، وبنشوف الرحلة دي عاملة ازاي، وهي عبارة عن رحلة شماريخ.

اقرأ أيضًا.. إلهام شاهين عن مسلسلها الفريدو: ايه المشكلة أنه يكون عن قصة حب بين واحدة كبيرة 

وتابع آسر ياسين، أنا وأمينة صحاب جدا وبنعرف نشتغل مع بعض كويس وكميتنا فعلا حلوة مع بعض، وفي فيلم شماريخ بنشتغل مع بعض بشكل كبير وفيه مشاهد بتجمعنا وبستمتع بالشغل معاها.

على الصعيد الآخر، نعى آسر ياسين عبر حسابه بموقع تبادل الصور والفيديوهات انستجرام مساعده: إهداء لمجدي.. كان المساعد بتاعي لأكتر من ١٤ سنة، قصته فيها كمية عِبر حياتية غير طبيعية.. اشتغل كهربائي لمدة تلاتين سنة وبعد كده حصتله حادثة موت اتكتبله فيها عمر جديد.

وتابع، ومن هنا ابتدا يشتغل مساعد ليا بناءًا على نصيحة أبويا اللي رشحهولي عشان اخلاصه وأمانته.. عمره ما كان يتخيل انه يشتغل في السيما ويقابل روبي ومنى زكي ومحمود حميدة!! ومش بس كده، ده كمان وقف قدام الكاميرا كذا مرة في أدوار شرفية..كل الناس حبته لأنه يخش القلب علي طول لطيبته وبساطته.