رمضان 2024.. طرح البوستر الرسمي لمسلسل صيد العقارب بطولة غادة عبد الرازق

طرحت الصفحة الرئيسية لقناة دى إم سى بوستر مسلسل صيد العقارب بطولة النجمة غادة عبد الرازق، والمقرر عرضه في السباق الرمضاني المقبل 2024.

مسلسل صيد العقارب 

وقالت الصفحة الرسمية في تعليق يرصده تحيا مصر: البوستر الرسمي لمسلسل صيد العقارب للنجمة غادة عبدالرازق، انتظروه في رمضان شهر الفرحة على شاشات المتحدة.

أبطال مسلسل صيد العقارب 

ويعد مسلسل صيد العقارب من بطولة غادة عبد الرازق، رياض الخولي وسيمون ومحمد علاء وأحمد ماهر، وعدد آخر من الفنانين، ومن المقرر عرض العمل على إحدى قنوات الشركة المتحدة للخدمات الإعلامية.

في سياق مختلف، قالت غادة عبد الرازق: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.

تصريحات غادة عبد الرازق 

وتابعت: جربت الحكاية دي ودايمًا أعذارهم واهية واهية.. أي كلام.. دايمًا أقول كده.. الراجل بيخون غادة عبد الرازق بقى.. جينفير لوبيز”.

وأضافت، مؤخر الصداق بتاعي كان 25 قرش.. وممكن أتقدم لراجل وأطلب منه الجواز.. لكن ما عملتش ده قبل كده.. فكرت فيه أه.. مش هقدر أقول مين بس حد كان أكبر مني في السن مش من الوسط الفني.

وأوضحت: “خالد حالة.. أي واحدة اتمنى إنها ترتبط بيه.. بس إن أنا أتقدم له دي بيتهيألي واسعة شوية.. مش هو اللي لازم يتقدم لي؟ نوعية الراجل اللي أطلبه للجواز نوعية مختلفة”.

وأردفت، الناس في منتهى الاحترام وبيعزموني بس هي تركيبة شخصيات وأنا مش من الشخصيات اللي تلبسيها وتقوليلها امشي على الريد كاربت"

واستكملت غادة عبد الرازق، أنا شخصية مبتكلمش كتير فمطلوب مني مجهود كبير البس واحط مكياج وامشي على الريد كاربت واتكلم مع الناس واعمل 50 انترفيو، لا مش شخصيتي مبحبش الزحمة ولا الكلام الكتير ولا الاضاءة الكتير لأن عشت فيها حياتي.

وشاركت غادة عبد الرازق في السباق الرمضاني المنصرم بمسلسل تلت التلاتة تأليف هبة الحسينى، وإخراج محمد هشام الرشيدى، ويشارك في بطولة العمل إلى جانب غادة عبد الرازق كلاً من: ماجد المصرى، نجلاء بدر، مصطفى درويش، ليلى أحمد زاهر، محمد القس، صلاح عبد الله وجارى التعاقد مع باقى الفنانين المشاركين في البطولة والاعلان عن أسمائهم، والعمل لنوعية الدراما الاجتماعية المليئة بالإثارة والغموض.