عاجل
الخميس 30 مايو 2024 الموافق 22 ذو القعدة 1445
رئيس التحرير
عمرو الديب

لغز قطعة الخيش.. محامي طالب الدقهلية يكشف مفاجآت جديدة في القضية|فيديو

محامي طالب الدقهلية
محامي طالب الدقهلية

تفاصيل مثيرة كشفها محامي طالب الدقهلية إيهاب أشرف والذي لقى مصرعه على يد مدرس الفيزياء، حيث نظرت اليوم محكمة الجنايات أولى جلسات محاكمة المتهم في القضية.

محامي طالب الدقهلية يكشف التطورات والتفاصيل

وقال محامي طالب الدقهلية لـ موقع تحيا مصر، مبدائيا في مجموعة محترمة من المحاميين المطتوعين في المنطقة تعاطفا مع إيهاب الله يرحمه وطبعا أي حد هيكون متطوع في حاجة زي دي لأن الجريمة صعبة جدا والتفاصيل اللي حصلت فيها بشعة.

وتابع محامي طالب الدقهلية، علمنا أن محامي مدرس الفيزياء تنحى عن الدفاع عنه وعلى حد كلامه قال أنه بعد قراءة اعترافات المتهم والمحاكاة التصويرية وتحقيقات النيابة تنحيت عن الدفاع، وطبعا منقدرش نقول هل ده تعاطف مع طالب الدقهلية ولا عشان القضية خسرانة دي حاجة نفسية أو تخص المحامي.

محامي طالب الدقهلية: محامي المدرس تنحى عن القضية

وأضاف محامي طالب الدقهلية، بالنسبة لنا وللمجتمع المحاكمة العاجلة للمتهم مدرس الفيزياء، دي حاجة كويسة جدا وننتظر الحكم العاجل والسريع على المتهم وعندنا ثقة كبيرة في القصاص وفي إعدام المتهم وحق إيهاب أشرف طالب الدقهلية، وزي ما النيابة أحالت القضية سريعا إن شاء الله الحكم يكون سريع.

واستكمل محامي طالب الدقهلية، طبعا المتهم اعترف إعترافات تفصيلية في النيابة، وكان خلال محاكاة الجريمة كان ثابت الجأش ودي حاجة غريبة وأول مرة نشوفها، وهو بيمثل الجريمة حكى كل حاجة وكل التفاصيل اتكلم بكل ثبات بدون أي توتر وده طبعا صدق الدين أن اللي بيوصل للمرحلة دي بيكون مفيش عنده قلب.

محامي طالب الدقهلية: قطعة الخيش فضحت المتهم

واستطرد محامي طالب الدقهلية، المتهم في محاكاة الجريمة قال كل التفاصيل وقال إزاي قتل إيهاب طالب الدقهلية وإزاي قطع الجثمان وإزاي تخلص من الجثمان جزء جزء، وقال أن الغلطة الوحيدة أنه مقدرش يدفن الجزء السفلي، وده طبعا عدل من ربنا سبحانه وتعالى أن الدم بالذات محدش يقدر يخفيه.

وأكد محامي طالب الدقهلية، أحب أشكر لوزارة الداخلية على المجهود المبذول من أول لحظة، واللي وصلهم لخيط الجريمة كان قطعة الخيش الملفوف بها الجزء السفلي الخاص بـ طالب الدقهلية، وأنا إذا شوفت المتهم هقوله حسبي الله ونعم الوكيل ودي أبسط رسالة إيهاب كان مستأمن عليه المدرس بتاعه إزاي يعمل كدة، وربنا هيورينا فيه يوم.

تابع موقع تحيا مصر علي