عصام صاصا يقرأ قرآن على الهواء لأول مرة في برنامج أسرار

حل مطرب المهرجانات عصام صاصا ضيفًا مع الإعلامية أميرة بدر في برنامج أسرار المُذاع عبر شاشة قناة النهار الفضائية، ويُعد ذلك اللقاء التلفزيوني الأول له وصرح من خلاله عن الكثير من التفاصيل في حياته وكيف كانت بداياته في الغناء.

برنامج أسرار.. عصام صاصا: معرفش إن صوتي حلو غير من القرآن

وتحدث عصام صاصا خلال حواره مع الإعلامية أميرة بدر الذي رصده موقع تحيا مصر عن بداياته في المجال الفني وكيف اكتشف موهبته قائلًا: "أنا حياتي أنا وعيلتي كانت بسيطة و اشتغلت على توك توك أكتر من سنتين وكانت البداية مع واحد صاحبي من وأنا في 3 اعدادي، وصاحبي كان بيقعد مع موزعين وفي مرة كانوا عايزين يعملوا حاجة لأول مرة فقولت لهم تعالوا البيت عندي لأنهم مش لاقيين مكان، وقولت أقعد أتفرج عليهم مش أنا اللي هغني، ومكنتش أعرف إن صوتي حلو غير من قراءة القرآن وعمري ماكنت جربت أغني"، وجاء على هامش برنامج أسرار لأول مرة عصام صاصا وهو يقرأ القرآن بصوته وقرأ سورة الفاتحة. 

عصام صاصا في برنامج أسرار: مكنش في نيتي إني أبقى مغني ومشهور

وتابع عصام صاصا حديثه خلال قائه في برنامج أسرار على قناة النهار قائلًا: "كنت داخل المجال أجرب ومكنش في دماغي إني هوصل وابقى مشهور، وكان معايا صاحبي عبده روقة بنعمل الأغاني ومفيش تالت يسمعنا وهو سبب من أسباب وجود عصام صاصا، الكلام دا من 7سنين كنت وقتها بنزل الأغاني بإسمي عصام طه مكنتش بقيت صاصا لسه ومعرفش حتى إن أول أغنية تنجح نزلت على اليوتيوب أصلًا".

وفاة زوجة عصام صاصا تثير الجدل والأخيرة ترد: أنا مموتش حرام عليكم

عصام صاصا في برنامج أسرار: اتفاجئت إن أول أغنية أعملها وصلت لملايين

كما تحدث عصام صاصا عن أول أعماله الغنائية وكيف استقبل نجاح الأغنية وصرح لأول مرة عن استغلاله لبيع أغنيته، حيث قال: "كنت بقعد أنا وصاحبي نحط الكوبليه في يوم وفي خيالي كبيري 1000 واحد هيسمعني اتفاجئت إنها جابت ملايين ونزلت على تيك توك وكان لسه اسمه ميوزكلي وأنا مكنتش أعرف كان آخري أفتح واتساب، وبعدها تواصلوا معايا موقع مهرجانات وقعدت معاهم وقالولي هناخد منك الشغل وننزله على اليوتيوب والأغنية تبقى بتاعتنا، ومكنتش أعرف وقتها إنهم هيكسبوا فلوس من اليوتيوب لكن وافقت على التنازل ومضيت عشان مكنتش مصدق نفسي لأني كنت صغير عندي 18 سنة".