أشغال شقة يحتل المركز الأول على شاهد بعد عرض الحلقة الأخيرة

انطلق عرض الحلقة الأخيرة من مسلسل أشغال شقة بطولة الفنان هشام ماجد والنجمة أسماء جلال، على منصة شاهد الإلكترونية واحتلت المركز الأول.

أحداث مسلسل أشغال شقة الحلقة الأخيرة 

وشهدت الحلقة الأخيرة من مسلسل أشغال شقة حمل ياسمين التي تجسد شخصيتها أسماء جلال في توأم مرة ثانية وهو ما شكل صدمة لزوجها حمدي الذي يلعب دوره هشام ماجد، كما استعان الثنائي حمدي وعربي بتيتة صفية لتطفيش مي كساب ونجحوا بالفعل من خلال أكلها الكثير من الشوكولاته حتى أغمى عليها واتهام مي كساب بأنها هي من قتلتها. 

الجمهور يشيد بمسلسل أشغال شقة بطولة هشام ماجد وأسماء جلال 

وأشاد الجمهور عبر منصات التواصل الاجتماعي بمسلسل أشغال شقة قائلًا: مسلسل أشغال شقة بالنسبالي هو الأنجح في رمضان لغاية دلوقتي لكن عندي تعليق بسيط جدا ، حد خد باله ان الربط بين الحلقات احيانا بيضيع زي مثلا ظهور رحمة احمد مرة واحدة بدون اي تفاصيل وكذة حاجة برضه بتسقط بين نهاية حلقة وبداية اللي بعدها ، بالنسبة بقي للفنان مصطفي غريب عاوز أقوله ينسي موضوع مقارنات الناس مع طلعت زكريا ويحاول يركز علي النجاح تدريجيا وميستعجلش علي دور البطولة علشان ميحرقش نفسه وبجد عامل دور من أحلي الأدوار الكوميدية اخر كام سنة.

وتابع آخر، أحلى حاجة في مسلسل أشغال شقة إنه بجد اعتمد في كتابته على ناس فاهمين سيناريو بجد.. وبعد عن كوميديا الافيهات اللي بيكتبها الانفلونسرز والستاند اب كوميديانز اللي اتحرقت وبقت سخيفة.. مبروك بجد للمسلسل ولكل اللي شغالين فيه.

وكتب آخير: أكيد الممثل العظيم بيضيف للدور اللي بيقدمه بس هل الممثل يقدر يعمل دور حلو بكتابة و قصة و موقف وحشيين ؟اهو ده شئ مستحيل و أكبر دليل ع كده مصطفى غريب في مسلسلين كوميدي الكبير أوي.. و اشغال شقة. 

مسلسل أشغال شقة الحلقة 12.. هشام ماجد وأسماء جلال ينجحان في تطفيش إنجي وجدان

مسلسل أشغال شقة الحلقة 14.. حمدي وياسمين يتعرضون لسرقة منزلهم

أداء مصطفى غريب في مسلسل أشغال شقة ينال إعجاب الجمهور
 

مصطفى في الكبير أوي أنا حرفيا مش ببقى قادر استحمل دقيقه من المشهد و مش ببتسم حتى من أي حاجه بيقولها لكن في مسلسل اشغال شقة أنا بستنى مصطفى لما يظهر بستنى أي مشهد هو فيه عشان بضحك من قلبي و ده يوريك العمل بيفرق ازاي لما بيكون فيه كتابة نضيفه و قصة حلوه..عشان لو معاك ورق وحش و قصه اوحش و الله لو روحت جبت روبرت دي نيرو يمثل برضو هيطلع العمل سئ.