فاروق فلوكس: فؤاد المهندس قالي سيب العمرة وتعالى زورني

كشف الفنان فاروق فلوكس تفاصيل دخوله الوسط الفني، وتفاصيل علاقته بالفنان الراحل فؤاد المهندس، مشيرا إلى أنه من شدة تعلقه بالراحل فقد الوعي في الدفنة.

فاروق فلوكس: أغمى عليا في واحنا رايحين ندفن فؤاد المهندس 

وقال فاروق فلوكس عن علاقته بالراحل فؤاد المهندس، في تصريحات رصدها موقع تحيا مصر: روحت أقابل أستاذ فؤاد المهندس واشتغلت معاه وبقيت مساعد مخرج ليه وبقيت مخرج، وكنا بنعمل فن في الجامعة وبرا الجامعة، ومن هنا ابتدا مشوارنا الفني، وفؤاد المهندس كان أستاذي وحبيبي لغاية ما توفى، ولما كنا بنقرأ عليه في الجامع ورايحين ندفنه أغمى عليا.

فاروق فلوكس: كان بيني وبين فؤاد المهندس مواقف تزعل 

كما كشف فاروق فلوكس، تفاصيل الخلاف بينه وبين الراحل فؤاد المهندس، قائلًا: كان في بيني وبينه مواقف تزعل زي أي بني آدم، وهو طلع في أحد البرامج وقال أنه زعلان مني لأنه كان تعبان وأنا مروحتش له، وأنا وقتها كنت في السعودية بعمل عمرة، ولما جيت مصر بكلمه حمدالله على السلامة زعل مني أوي وحاولت أكلمه مفيش فايدة، لغاية ما روحت له المسرح وقالي لأ مش زعلان إزاي متجليش وأنا تعبان، قولتله كنت بعمل عمرة، قالي تسيب العمرة وتجيلي، وهو كان بيعتبرني ابنه البار.

أما عن رأيه في إعادة تقديم مسرحية سيدتي الجميلة، فعلق فاروق فلوكس: مشوفتش مسرحية سيدتي الجميلة اللي عملها أحمد السقا وريم مصطفى، وهما عملوا النسخة الأصلية لمسرحية شيكسبير، ومش عارف هما عملوا شبه اللي فؤاد المهندس عملها ولا لأ.

فاروق فلوكس: جالي جلطة بسبب مها أحمد وسيبت والدتي ميتة في البيت وكملت المسرحية

اشتغلت وأنا عندي 17 سنة.. أبرز تصريحات ياسمين صبري مع عمرو أديب

فاروق الفيشاوي يكشف سبب خلافه مع الفنان عبد الرحمن ابو زهرة 

وعن تفاصيل خلافه مع الفنان عبد الرحمن أبو زهرة، فأوضح فلوكس: عبد الرحمن أبو زهرة في بيني وبينه خلاف، ولكن هو فنان عن حق مبيشتغلش ليه؟، وعبد الرحمن أبو زهرة كنا بنصور مسلسل في شقة فخمة ولكن الريحة كانت وحشة جدًا وأنا اتكشفت أقول للمخرج نخلص بسرعة علشان التنفس، وعبد الرحمن دخل يقول كلام كتير في الشمهد قولتله هي ندوة؟ قالي أه ندوة مش عاجبك أمشي، ودي اللي زعلتني منه أوي.

وكشف فاروق فلوكس، عن أمنيته في الفن، قائلًا: طول عمري في عالم الفن كنت متمني دايمًا أن أي دور أعمله بنجاح، والنحومية مبتجيش كده لازم يكون في حب من الجماهير ونص جيد وتقمص جيد مني، مكنتش عايز أبقى نجم، ولكن الدور اللي أعمله ماحدش يعرف يعمله زيي.