حمادة هلال: كنت عارف إن رامز جلال مقلب ووجود أحمد فهمي لكن معرفش تفاصيل

تحدث حمادة هلال خلال حواره مع الإعلامية فاطمة مصطفى في برنامج الراديو بيضحك الذي يُبث عبر راديو 9090 عن استضافته في برنامج المقالب الشهير رامز جاب من الآخر المُذاع عبر شاشة Mbc مصر.

حمادة هلال عن برنامج رامر جاب من الآخر: كنت عارف بوجود أحمد فهمي وإنه مقلب لكن معرفش تفاصيل

وكشف الفنان حمادة هلال خلال حواره مع الإعلامية فاطمة مصطفى عن كواليس مشاركته في برنامج رامز جاب من الآخر، ليرد على الشائعات التي يرصدها تحيا مصر حول معرفته واتفاقه على المقلب قبل إذاعته، وقال: "روحت البرنامج بعد ما جالي تليفون قالولي لازم تيجي دبي لرامز قولتلهم إني عندي تصوير لكن بعد كده وافقت عشان رامز وعجبتني فكرة البرنامج وعارف إنه مش هيسيبني لكن هما للأمانة مبيقولوش المقلب، وعرفت إن أحمد فهمي معايا، واحنا مفيش بينا خلافات لكن الحلقة بتاعتنا كانت آخر حاجه بتتصور وقالوا مفيش بينهم مشاكل ولما شوفت الكلب كنت حاسس اني هجري بس مخوفتش اوي وفضلت واقف قدام الكلب وافتكرت مشاهد صابر المداح، ولو ركزتي في اللقطة دي هتلاقي في ريأكشن غريب على وشي.. واللحظه دي ببص لأحمد فهمي وحاسس بحاجه غريبة".

حمادة هلال يكشف عن كواليس مشاركة نجله يوسف في المداح: قولت للمخرج لو مبيعرفش يمثل ارميه

ووضح حمادة هلال تفاصيل و كواليس مشاركة نجله يوسف في مسلسل المداح كأول تجربة تمثيلية له كاشفًا عن رفضه لدخوله عالم التمثيل وهو في هذا العمر الصغير وقال: قولت للمخرج لو مبيعرفش يمثل ارميه

"من زمان ويوسف عايز يمثل وأنا رافض لأن سنه صغير، لكن قرأ ورق المداح بالصدفة ولقيته قالي عايز أعمل دور داوود قولتله الدور صعب وعايز تمثيل ومجهود لكنه كان مصمم فأخذته وذهبت به إلى المخرج أحمد سمير وقولت له إذا وافق هتنضم للمسلسل، وقولت للمخرج لو مبيعرفش يمثل ارميه أنا مش هقبل بحد يضعفني أو يضعف العمل حتى لو ابني، لكن فاجئني بموهبته في التصوير".

حمادة هلال يكشف عن نجمه ومسلسله المفضل في مسلسلات رمضان 2024

وتطرق حمادة هلال خلال حديثه مع الإعلامية فاطمة مصطفى ليفصح عن مسلسله المفضل خلال الماراثون الرمضاني لعام 2024 وهو مسلسل الحشاشين وتحدث عنه مُعبرًا عن فخره بوجود مثل هذه المسلسلات ضمن الدراما المصرية بكل تفاصيله وتأثيراته البصرية والديكورات ووصفه بأنه عمل عظيم، مُضيفًا أن النجم كريم عبد العزيز هو نجمه المفضل وأنه بارع وعبقري.