خاص| منة فضالي: تخوفت من المشاركة في مسلسل كوبرا وعيطت أما لقتني تريند بعد أول مشهد

تعيش الفنانة منة فضالي حالة من النشاط الفني حيث تشارك في الموسم الرمضاني الحالي بعملين دراميين وهم مسلسل كوبرا مع الفنان محمد إمام ومسلسل محارب مع الفنان حسن الرداد، وحققت نجاحات ساحقة من خلالهم.

منة فضالي: دوري في كوبرا مختلف عليا وحبيته أكتر من محارب 

وقالت منة فضالي خلال لقاءها مع موقع تحيا مصر: حبيت كوبرا شوية لأنه كوميدي ودور مختلف عليا وأول مرة اشتغل فيها مع محمد إمام وحبيت حنان وردود الأفعال والكابل بتاعنا وحاول أعمل الدور على قد ما أنا شيفاه مش حد شايفه ازاي لأني محضرتلهوش بسبب مرضي قبلها.

وعن محارب، قالت منة فضالي: مسلسل محارب بردو طلعت فيه بدور مختلف عليا تماما وهو دور مشلولة بعمله لأول مرة واللي شجعني على المشاركة في المسلسل هي المخرجة شيري عادل فأخدت الموضوع باكديج كدة على بعضه.

منة فضالي: كنت قلقانة من دروي في مسلسل كوبرا لأنه 3 حلقات فقط 

واكدت منة فضالي أنها تخوفت في البداية من دورها في مسلسل كوبرا والذي تخوض بطلولته مع الفنان محمد إمام وذلك بسبب أن الدور يقتصر على 3 حلقات فقط، موضحة: "مكنتش عارفة موقفه من المسلسل وبعدين اكتشفت أن الدور مراحل ورحلات، وقبلته عشان حسيت الدور لطيف وخفيف على الجمهور، واللي شجعني أنه بطله محمد إمام وانا كنا نفسي اشتغل معاه جدا من زمان.

منة فضالي: عيطت بسبب ردود فعل الجمهور على دوري في مسلسل كوبرا 

وكشفت منة فضالي عن موقفها من ردود فعل الجمهور على دورها في مسلسل كوبرا، قائلة: أول يوم لقتني تريند واتخضيت وقعدت اعيط في البيت وكنت مبسوطة جدا جدا ومكنتش متخيلة إن دور صغير زي ده يعمل كل اللي حصل عليا ده، ويمكن أنا مبتوقعش نجاح أو عدم نجاح قد ما بقعد أقول يارب الدور ينجح.

منة فضالي عن كزبرة: أفضل اختيار لمحمد إمام أنه طلعه معاه في مسلسل كوبرا 

وتحدثت منة فضالي عن رأيها في مشاركة كزبرا في مسلسل  كوبرا، حيث قالت: كزبرا ده حبيبي وعسل جدا وشايفة أنه اختيار موفق من الفنان محمد إمام أنه يطلعه معاه في مسلسل كوبرا، هو دمعه خفيف لوحده وتلقائي وطبيعي وهو أحسن حد يمثل الدور بتاعه.

وقالت منة فضالي: أن مسلسل كوبرا يبقى 15 حلقة دي تجربة حلوة لانه مينفعش يبقى 30، والمخرج أحمد شفيق عشرة عمر يمكن اول مرة اشتغل معاه كمخرج لكن كنت معاه كتير وهو مخرج منفذ وهو شاطر ومجتهد وبيراعي ربنا في شغله وفيه بينه وبين ربنا عمار كدة عشان كدة ربنا كرمه السنة دي.

بعد تألقها في مسلسل كوبرا.. منة فضالي تتصدر تريندر مؤشرات البحث

مسلسل كوبرا الحلقة 4..منة فضالي تعاني من الجن العاشق

منة فضالي: هاخد إجازة الفترة الجاية وعندي أفلام معرفش مصيرها اي 

وعن أعمالها الفترة المقبلة، قالت منة فضالي: أنا محتاجة إجازة بقى محتاجة اروح اتفسح فمش بفكر في اي  عمل فني دلوقتي وفي السينما عندي افلام كتير صورتها بس مبسمعش عنها حاجة لسة.

وعن معايير اختيار أدوارها، قالت منة فضالي: معنديش معايير أو حاجة معينة أنا بس عندي أدوار ممكن أرفضها عشان مش بتليق عليا ولا على شخصيتي ومش بتكون نافعة معايا، زي أدوار الاغراء هي لا شبهي في الجسم أو الشكل.