محمود ياسين جونيور: شخصيتي في مسلسل محارب مليانة تحديات.. وكنت حاسس أن حسن الرداد أخويا بجد| حوار

تألق الفنان الشاب محمود ياسين جونيور في الموسم الرمضاني الماضي 2024 من خلال شخصية إبراهيم في مسلسل محارب، حيث خطف أنظار عدد كبير من الجمهور والمتابعين، ونال إشادات واسعة بسبب مشاهده المؤثرة التي قدمها خلال أحداث العمل.

محمود ياسين جونيور يتحدث عن شخصيته في مسلسل محارب

وفي ذلك السياق، كشف محمود ياسين جونيور خلال لقاء له لكاميرا موقع تحيا مصر عما حمسه للمشاركة في مسلسل محارب، فقال: أنا شايف أن شخصية إبراهيم تشجع أي ممثل أنه يحب يعملها لأنها فيها تحديات كتيرة واختلافات وتغيرات في الشخصية من خلال المسلسل فكان مشجع ليا أني أعمل الدور وأنا مش أول مرة أعمل شخصية شعبية أنا عملتها أكتر من مرة قبل كدا فكنت حابب أعملها بشكل مختلف عن اللي قدمته قبل كدا.

وتابع: لأن إبراهيم مش شبه الشباب اللي هما في المناطق الشعبية اليومين دول، هو مش عايز يبقى صايع اصلا هو عايز يبقى ظابط، حتى في طريقة لبسه وفي شكله، هو عايز يعيش عيشة مختلفة عن اللي هو عايشها ودا رسمته للشخصية على مدار التغييرات اللي بتحصل فيها.

محمود ياسين جونيور يكشف تفاصيل مشهد قفزه من المبنى

وعن تقييمه لتجربة مشاركته في مسلسل محارب قال محمود ياسين جونيور لموقع تحيا مصر: مبسوط بتجربتي في مسلسل محارب، ومبسوط بردود الأفعال واتشرفت بالعمل في مسلسل محارب.

وفي الحوار نفسه، تحدث محمود ياسين جونيور عن مشهد قفزه من مبنى النيابة، فقال: كان فيه دوبلير وصور هو المشهد كامل وأنا كمان صورت المشهد كامل وخدنا لقطات من هنا وهنا وكان مشهد صعب جدا، وكان يوم عيد ميلادي فكان الموضوع ممكن يكون فال وحش بس الحمد لله عدا على خير.

وعن تعليق جدته الفنانة القديرة شهيرة على المشهد، قال محمود ياسين جونيور: وجدتي شهيرة بتتكلم من قلب الأم وهي خافت أول ما شافت الفيديو وأنا متفهم وجهة نظرها وهي عندها حق، وفي مشاهد الأكشن اللي جاية هشوف على حسب الموضوع هل محتاج أنه اعمله بنفسي ولا لا.

محمود ياسين جونيور يدخل السجن في أحداث مسلسل محارب

محمود ياسين جونيور يهاجم يوتيوبر شهير: بلاش تقلل من تعب الناس في شغلهم

ردود أفعال أفراد عائلة محمود ياسين جونيور على أصعب مشاهده في مسلسل محارب

كما أوضح محمود ياسين جونيور في حواره لموقع تحيا مصر عن ردود أفعال أفراد عائلته على ذلك المشهد، فقال: بالصدفة كنا عازمين جدتي وعمتي وأستاذ محمد رياض وكانوا كلهم معانا في البيت واتفرجنا كلنا على المشهد مع بعض وكانوا مبسوطين الحمد لله أوي، وطبعا أمي وجدتي وعمتي اتأثروا بس كانوا كلهم مبسوطين.

أما عن الصعوبات التي تواجه محمود ياسين جونيور في مشواره الفني قال: الصعوبات اللي بتواجه أي حد لأن أحنا بردو شغلانة فيها نجاح وفيها فشل، أي شغلانة بتعملها وبتاخد فلوسها، لكن احنا الموضوع مش بينتهي هنا، بينتهي عند ردود أفعال الناس، وتقييم الناس وبتبقى أنت نفسك تعمل حاجة وبتبقى تعبان فيها، ففي صعوبات كتير بتواجهني وأتمنى أقدر أتغلب عليها.

وفي نفس السياق كشف محمود ياسين جونيور عن أعظم انتصاراته من بداية مشواره الفني حتى الآن، فقال: أنا في سنة 2021 الحمد لله واخد 7 جوايز على مسلسل اللي مالوش كبير فدا كنت بحسه إنجاز بسطني.

محمود ياسين جونيور وحسن الرداد

ومن ناحية أخرى، أعرب محمود ياسين جونيور عن سعادته بالتعاون مع النجم حسن الرداد في مسلسل محارب، فقال: اتبسطت بالشغل جدا مع حسن الرداد وأتمنى أكرر التجربة معاه تاني، وهو من ألذ الفنانين اللي اشتغلت معاها، والكواليس كانت لذيذة جدا وكنت حاسس أني أخوه بجد وكنت حابب الشغل معاه.