رانيا يوسف: أنا خجولة جدا وولادي اللي بيشجعوني أبقي شقية ولازم اللي هتجوزه يقبلني بعيوبي

كشفت الفنانة رانيا يوسف العديد من التصريحات الخاصة بحياتها الشخصية والفنية وذلك خلال حلولها ضيفة على برنامج سهرة dmc والذي تقدمه الإعلامية چاسمين طه على قناة dmc، من بينها علاقتها مع السوشيال ميديا وشرطها الأساسي للزواج مرة أخرى.

رانيا يوسف: لازم اللي هتجوزه يقبلني بعيوبي ومميزاتي

قالت رانيا يوسف في تصريحات رصدها موقع تحيا مصر: رانيا يوسف عن شرطها للزواج: لازم اللي هتجوزه يقبلني زي ما أنا بمميزاتي وعيوبي زي مانا هقبله بمميزاته وعيوبه كدة.

ووجهت رانيا يوسف نصيحة للمقبلين على الزواج، قائلة: اعرفوا بعض كويس أوي قبل الجواز لأنه مش مجرد اتنين بيعاشروا بعض ده فيه أولاد، لازم يتفقوا في الماديات والتقاليد وحتى لو كانوا مختلفين بيعرفوا يختلفوا بشكل صحي ومتحضر ولا لا.

وعن علاقتها بالسوشيال ميديا: مبفهمش فيها وولادي اللي بيشجعوني أبقي شقية 

وتطرقت رانيا يوسف بحديثها عن علاقتها بمواقع التواصل الاجتماعي: مش بفهم فيها وعيالي اللي عملولي أكونتات وهما اللي بيقلولي أعمل اي وأنا مش شخص بحب التصوير خالص وبناتي اللي بيجبروني وبيعلموني اعمل اي ومعملش اي وبناتي بينصحوني وباخد رأيهم  في أدواري وهما منفتحين عني.. أنا جوايا خجولة جدا وبتكسف وهما اللي بيشجعوني أبقى شقية.

رانيا يوسف: مش بحب الطبخ وبنزل الجيم وباكل قطايف في رمضان 

وتحدثت رانيا يوسف عن رشاقتها، قائلة: كنت بمر بظروف صحية مش لذيذة فكنت باخد دوا بيعمل ماية في الجسم وزودت وزني لكن قدرت أن انزله وابقى رشيقة تاني بعد انتهاء مسلسل بقينا اتنين.

رانيا يوسف: الراجل الشرقي بتوجعه كلمة انت مقصر ومش هجوز بناتي الا في سن 30

مسلسل بقينا اتنين الحلقة 14.. تطورات جديدة في حياة رانيا يوسف وشريف منير

وعن طقوسها في رمضان، قالت رانيا يوسف: بنزل الجيم في رمضان قبل الفطار ومبحبش الطبخ بحب أكل بس، واتفرجت على مسلسل الحشاشين وجودر مبهر ومبسوطة بالشباب اللي ظهروا في رمضان السنة دي.. الموسم ده مبهر مفهوش غلطة.

جدير بالذكر، أن رانيا يوسف تألقت في مسلسل بقينا اتنين والذي تم عرضه في سباق مسلسلات رمضان 2024 وذلك إلى جانب الفنان شريف منير، كما كان أيضا اخر أعمال الفنان طارق عبد العزيز قبل وفاته بأزمة قلبية أثناء تصوير العمل ولكن رفضت مؤلفة العمل حذف دوره من المسلسل.