عاجل
الجمعة 12 يوليو 2024 الموافق 06 محرم 1446
رئيس التحرير
عمرو الديب

يارا تامر تكشف حقيقة إهداءها سيارة من قبل خطيبها السابق مسلم

مسلم وخطيبته السابقة
مسلم وخطيبته السابقة

فجرت يارا تامر عدة تصريحات من خلال ردها على أسئلة متابعينها عبر خاصية استوري على حسابها الشخصي بموقع تبادل الصور والفيديوهات القصيرة إنستجرام.

يارا تامر تنفي إهداءها سيارة من قبل مسلم

وقالت يارا تامر في تصريحات يرصدها تحيا مصر: إحنا اتصورنا في العربية كذا مرة ونزلناها، وهو في حد يجيب هدية لخطيبته عربية G Class؟، محدش جابلي عربية ودي كانت عربية اتصورنا فيها بس ولا بتاعتي ولا بتاعته، هي جاتلنا هدية في فرحنا واتصورنا فيها عادي، وأنا عندي عربيتي من الأول.

مسلم وخطيبته السابقة

يارا تامر: مسلم هو سبب شهرتي

وتابعت، مسلم هو سبب شهرتي والناس كلها عارفة ده، وخطوبتي هي اللي شهرتني والناس عرفتني عن طريق مسلم وأنا مطلعتش كدبت ده ومحدش قال غير كده.

وأضافت: أنا مكنتش بحب جو الشهرة وبحب حياتي برايفيت، بس بعد ما لقيت كلام كتير عني مش صح حبيت الناس تعرف أنا مين وتعرف كل حاجة عني.

تصريحات يارا تامر 

واستطردت يارا تامر: بعد كده حبيت الناس وكنت خلاص الناس كلها عرفتني فقولت ليه لأ؟، بس ده مكنش هدفي خالص بصراحة ولا كان يفرق معايا.

من جانبه، قال مسلم: السبكي مسلمش عليا أول ما قابلته قبل الشهر مديتله إيدي دقيقتين وما سلمش عليا وقالي عايز إيه قولتله أنا مطرب من إسكندرية وكنت بسمع إنك بتساعد الناس وكده، فقالي لا روح غني في إسكندرية واتصدمت بعدها واستغربت ليه عمل معايا كده.

وتابع: ودلوقتي ابنه صاحبي جدا وحبيبي وهو دلوقتي ممكن ميعرفش إن أنا نفس الشخص اللي عمل معاه كده

وأضاف: حودة بندق معملنيش واحنا كلنا أسباب لبعض وهو شخص ناجح وهو كان أول الشهرة، وآخر خناقة بينا بسبب الأغنية بتاعة يا أصفر وهي كانت بتاعتي وحودة بندق كان عايز يخش في الاغنية.

وحقق مسلم نجاح واسع بأغنية عز والأغنية من إنتاج سلطان الشن، غناء مسلم وتصميم الفيديو والبوستر لأحمد محمد، ويطلق عليها اسم عز أو "أنا واحد مش طايق حد".

وتقول كلمات الأغنية: جرحونا من نوع الفاخر ورموها على النص بين البنين يدوب وحتى عايش مش وبتناقش مع نفسي كتير وحتى موديش في الموت السره في الروح بيهز لسه الكسر مقصر انا طالع من اعد العز حتى احمد عز كره انا واحد مش طايق حد وحتى طايخ ما تضايقني قلبي تهد وبالقد وحد اسمي كريه اسمي يا ناس. 

تابع موقع تحيا مصر علي