تيمو مترددش لحظة أنه يديهالي.. بسمة بوسيل تطرح أولى أعمالها الغنائية البدايات

طرحت النجمة بسمة بوسيل، طليقة الفنان تامر حسني أولى أعمالها الغنائية بعنوان البدايات والذي يتولى إنتاجها الفنان تامر حسني ومن كلمات الشاعر أيمن بهجت قمر.

بسمة بوسيل تروج لأغنية البدايات وتعلق: بتاعة تيمو بس هو قالي اخدها 

وورجت بسمة بوسيل لأغنية البدايات من خلال حسابها الرسمي بموقع تبادل الصور والفيديوهات انستجرات في منشور رصده موقع تحيا مصر وعلقت عليه، قائلة: اسمعوا أغنيتي الجديدة البدايات، دلوقتي على يوتيوب وجميع منصات الاستماع، إن شاء الله تعجكم، ومستنية رأيكم.

وتابعت بسمة بوسيل حديثها: على فكرة الأغنية دي بتاعت تيمو، ولما قلتله إني عايزة أعمل أغاني ليا على طول شجعني وقالي طب أول أغنية ليكي أنا هعملهالك، وطلبت منه دي عشان كنت بحبها أوي، فمترددش لحظه إنه يديهالي، ودي أول أغنية رسمية في مشواري الفني.

تامر حسني لبسمة بوسيل: الدنيا كلها متغلاش عليكي يا بسم 

الدنيا كلها متغلاش عليكي يا بسوم، ألف مليون مبروك، وغنيتيها غُنا عظيم بجد، أيوا أنا المدرب والمنتج، بس إحساسك هو الموضوع كله، كل سنة وإنتِ طيبة ويارب من اليوم ده كل أيامك في نجاح وفرح وانتصارات، شكرًا لصناع الأغنية المؤلف الكبير أيمن بهجت قمر والملحن الكبير محمد يحيى والموزع الكبير فهد ومهندس الصوت الكبير مصطفى رؤوف.

أبرزها رقص هنا الزاهد مع تامر حسني.. لقطات من حفل زفاف لينا الطهطاوي ومحمد فراج

تفاصيل أغنية البدايات 

أغنية البدايات من كلمات أيمن بهجت قمر وإخراج تامر حسني وتقول كلماتها: البدايات أجمل بص حواليك واسأل، كل حاجة حلوة في أولها ياريت حلاوتها بتكمل، حتى الوردة بتدبل وبنسكت وبنقبل، والسنين بتحط مسافة كل مدى بتطول، البدايات أجمل بص حواليك واسأل، كل حاجة حلوة في أولها ياريت حلاوتها بتكمل، حتى الوردة بتدبل وبنسكت وبنقبل، والسنين بتحط مسافة كل مدى بتطول، وحالتنا مش جديدة نهايتنا مش بعيدة، بنخون وعودنا ومش بإيدنا كل اللي بنعمله، وتملي معرفش ليه كل اللي بنموت عليه، نفضل نحاوطه وندوق حلاوته وشوية ونهمله، وحالتنا مش جديدة نهايتنا مش بعيدة، بنخون وعودنا ومش بإيدنا كل اللي بنعمله، وتملي معرفش ليه كل اللي بنموت عليه، نفضل نحاوطه وندوق حلاوته وشوية ونهمله.