علي قدورة: عصام صاصا في حالة سيئة ومبيتكلمش كلمتين على بعض

تحدث المطرب المعتزل علي قدورة عن عصام صاصا والحالة السيئة التي وصل لها في الفترة الأخيرة وذلك بعد القبض عليه في تهمة دهس أحد الأشخاص على طريق الدائري ولازالت الأزمة مستمرة حتى وقتنا هذا.

على قدورة: عصام صاصا في حالة سيئة وبقاله 5 أيام مبردش على حد 

وقال علي قدورة في تصريحات رصدها موقع تحيا مصر من خلال فيديو له على حسابه الرسمي بموقع الفيديوهات الشهير تيك توك: أنا كلمت عصام صاصا إمبارح وهو في حالة سيئة مبيتكلمش كلمتين على بعض، يعنى حالته لا تسمح أن أي حد يكلمه، وأنا كنت بتواصل معه من  5 أيام ومكنش بيرد، وكنت عايز أطمن عليه بأي طريقة مكنش بيرد خالص طبعا هو موقف صعب ولا نملك إلا الدعاء ربنا يصلح الأحوال.

وأضاف علي قدورة: كل يوم بنشوف نفس الحادث وياريت محدش يعدي على طريق سريع، وبلاش نسمع  من غير دليل ونعيد ونزيد في الموضوع، وبلاش نتكلم في حاجات إحنا مش عارفينها، وربنا ينجي أخويا وصحبي منها على خي، لأني مشفتش منه حاجة وحشة وبحبه بجد وقلبي عند قلب المتوفي، ربنا يرحمه ويغفرله.

مطربي المهرجانات يدعمون عصام صاصا 

وجدير بالذكر، أن علي قدورة ليس الأول، فخرج عدد كبير من مطربي المهرجانات في الفترة الماضية لدعم عصام صاصا وأطلقوا هاشتاج "عصام صاصا مش مجرم" وكان من بين هؤلاء حمو بيكا، الذي كتب عبر حسابه الرسمي بموقع تبادل الصور والفيديوهات انستجرام: عصام صاصا  عمره في حياته ماكان موذي او شخص مش كويس وانا مش بكتب الكلام ده عشان اظيط في الظيطه ومش محتاج اظيط انا ك حمو بيكا انا اعرف الراجل ده من سنين ال سنين كمان.

وتابع حمو بيكا حديثه، قائلا: عصام خبط واحد بعربيته قضاء و قدر ياريت بقي الناس بتاعت التيك توك والصحافين والناس اللي هي بتظيط دي متركبش المركب بالشقلوب و تفضل تقول كلام محصلش الراجل ده دلوقتي في محنه وفي اكتر مش شخص بيطلعوا يعملوا فيديوهات ملهاش اي تلاتين لازمه ملكمش الحق انكم تتكلموا وملكمش الحق انكم تطلعوا تجيبوا سيرته باي حاجة.

عصام صاصا مش مجرم.. مطربو المهرجانات يطلقون هاشتاج لدعم صديقهم في أزمته الأخيرة

حسبي الله هو رب العرش العظيم.. تعليق جديد من عصام صاصا حول أزمته

أزمة عصام صاصا 

جدير بالذكر، أن عصام صاصا كان قد تعرض لأزمة كبيرة بعد تعرضه لحادث سير على طريق الدائري حيث قام بدهس أحد الأشخاص أثناء عودته من حفله في فجر يوم الاثنين وسرعان ما القي القبض عليه وخرج في اليوم التالي بكفالة مالية قدرها 30 ألف جنيها، وبعدها أصدر قرار جديد بضبطه وإحضاره مرة أخرى بسبب وجود أدلة جديدة، وأشارت الأنباء إلى أن تلك الأدلة هي اكتشاف تعاطي عصام صاصا المخدرات.