ناقد موسيقى ينتقد الهجوم على نجوم إعلان بيبسي الجديد: جهل ومشي ورا التريند بدون تفكير| خاص

أعرب الناقد الموسيقى محمد شميس عن انزعاجه من الهجوم الحادث على إعلان بيبسي الجديد، وذلك بسبب غضب المصريين من مشاركة بعض الفنانين العرب به بسس أنه منتج من منتجات المقاطعة، مؤكدا إلى أن الانسياق وراء تلك الأشياء جهل وتخلف فكري.

الناقد محمد شميس: شعار خليك عطشان بقاله سنين ومش عارف ليه الناس مستغربين منه دلوقتي 

قال الناقد الموسيقى محمد شميس في تصريحات خاصة لموقع تحيا مصر، متحدثا عن الهجوم على شعار "خليك عطشان" الخاص بشركة بيبسي: الشعار ده من سنين مع الشركة مش عارف ليه الناس طالعة تتكلم عنه دلوقتي واي علاقة ده بالقضية الفلسطينية، احنا وصلنا للدرجة دي من الجهل أنه ننشر الحاجة على السوشيال ميديا وخلاص ولا هو اي تريند بنعمله، انا بصراحة مش فاهم ولا قادر تستوعب الحاجات دي.

وأضاف محمد شميس في تصريحاته: أنا ضد المقاطعة تماما وضد الهجوم على اي شركة ليها علاقة بالمؤسسات المصرية وتابعة لدولة مصر، هي غزة استفادت اي بالمقاطعة والكلام ده؟

ناقد موسيقي: أنا ضد المزايدات على اي فنان بدون سبب

واضاف الناقد الموسيقى محمد شميش عن الهجوم على عمرو دياب وأحمد السقا وكريم محمود عبد العزيز، قائلا: انا ضد المزايدات على اي حد ونهاجمه ونشتمه عشان ماسك اي حاجة بيقولوا أنها مقاطعة، احنا هنستفاد اي من المزايدات دي غير خسائر لمصر، اتمنى الناس توجه طاقتها دي في أنها يجبروا السياسة المصرية في أنها تصل لحل مع جماعة حماس، والي انا اصلا ضدهم تماما، يعني اي اضرب حد وبعدين أهرب ده، هما فين دلوقتي من اللي بيحصل في غزة وأطفالها.

محمد شميس ينتقد تامر حسني: بتاع مزايدات 

وانتقل محمد شميس بحديثه عن تامر حسني، فقال: ده فنان بتاع مزايدات وماشي يزايد على اي حد، عشان كدة أما عمل اعلان شيبسي الناس مرحمتهوش ووقتها كان لازم يدوق من اللي بيعمله والحقيقة اني مش بزعل على الفنان اللي بيزايد لم الجمهور يزايد عليه، لكن واحد زي محمد رمضان ومحمد صلاح يزايدوا عليه ليه.

واستكمل حديثه عن إعلان بيبسي قائلا إنه من الواضح أن الإعلان منذ فترة كبيرة وليس في الوقت الحالي، خاصة وأنه صورة عدد كبير من النجوم ليست كما هي، لذا لا يمكن أن نحكم على مقاطعة فنان ما بمجرد مشاهدة في أعلان معين لمنتج ليس على هوانا.

تضامنًا مع الشعب الفلسطيني.. ويجز يرفض المشاركة في إعلان بيبسي الجديد 2024

بعتوا أخواتكم بكام.. الجمهور يفتح النار على الهضبة والسقا بعد مشاركتهم في إعلان بيبسي

محمد شميس: أهالي غزة بيتسعملوا منتجات المقاطعة ونجوم اعلان بيبسي معملوش شير احتراما لمشاعر جمهورهم

واختتم محمد شميس حديثه، قائلا: احنا مشوفناش ولا نجم من الي مشارك في إعلان بيبسي عمل شير ليه احتراما لمشاعر الجمهور وتقديرا لزعلهم وغضبهم على اللي بيحصل في اهاليني في غزة ولكن أمر المقاطعة ده مخطيء تماما إذا كان أهالي غزة نفهسم بيستعملوا منتجات المقاطعة، احنا نقاطع ليه، احنا كدة ساعدنا غزة في اي.