اخبار الفن اليوم الثلاثاء.. فرح الزاهد تحتفل بعيد ميلادها.. وإعلان الفائزين بجوائز الدولة

اخبار الفن اليوم الثلاثاء.. الجمهور على موعد مع عدد من الأخبار الفنية الهامة اليوم الثلاثاء الموافق 28 مايو، حيث تشهد الساحة الفنية أنباء مثيرة ومشوقة.

عيد ميلاد فرح الزاهد 

ويرصد تحيا مصر أبرز هذه الأنباء والتي تأتي في مقدمتها احتفال الفنانة فرح الزاهد بعيد ميلادها ال 27 فهي من مواليد 1996.

تصريحات فرح الزاهد 

من جانبه، قالت فرح الزاهد: السوشيال ميديا بتجيب اكتئاب، وعلى الرغم من إنه في أوقات بنتستفاد منها، لكن فيه أوقات بتجيب اكتئاب فظيع، ومفيش حد بيحب ينشر بوست عن الفشل بتاعه، ولذلك بتشوفي كل الناس ناجحة، والناس بتقيس على ده حياتها، وأنا حتى معنديش فيس بوك.. عندي انستجرام بس.

وتابعت: أنا دايمًا بشوف عيوبي، وفي فيلم شوجر دادي أول تجربة سينمائية ليا الناس اتبسطت وقالوا لي أنتي كنتي حلوة ولذيذة لكن أنا شفت حاجات الناس ما شافتهاش، ومش بحب اسمع المجاملات، بدور على الحاجة اللي مش مظبوطة وأظبطها، واتعلمت من أخطائي في شوجر دادي في عصابة عظيمة، وأهلي أعجبوا جدًا بأدائي، وسألتهم عن الحاجة اللي مش عاجباهم وأنا راضية عن نفسي في الفيلم، واكتشفت أني بحب أعطي أوي.

وأضافت: اتعلمت أن الممثلين الضعاف بيدوا مشاعر كتير أوي في مشهد، والممثل القوي بيتحكم في مشاعره، وده اتعلمته من إسعاد يونس، وفي مشهد ماستر سين بيني وبين كريم عفيفي ده ممكن أعيط فيه من أوله لآخره، لكن المخرج وائل إحسان قالي سيطري واكتمي العياط، ولما عملت كده الناس قالوا طلع أحلى من لو كنت عيطت فيه من أوله لآخره.

وفي العرض الخاص لفيلم البطة الصفرا أوضحت: تجربة الفيلم جميلة استمتعنا بالعمل فيها، والكواليس كانت كويسة جدا، وكل القائمين على العمل قلبهم ابيض ومساعدين جدا معانا.

وتابعت: شخصية لذيذة والفيلم جميل وبجسد دور كوميدي لايت، وذكرياتي مع البطة الصفرا إنها كانت بتتحطلي في البانيو.

وأضافت: بحب غادة عادل جدا وإني أكون معاها في الفيلم كنت مبسوطة جدا، هي طيبة وأنا ممنونة للبطة الصفرا انها خلتني أتعامل مع نجوم زيهم.

إعلان الفائزين بجوائز الدولة

تنظم وزارة الثقافة فعاليات إعلان الفائزين بجوائز الدولة «النيل - التقديرية - التفوق - التشجيعية» لعام 2024 وذلك خلال مؤتمر صحفي.