زوجة عصام صاصا ترد على منتقدي المشاهير: هو عشان مشهور ميعملش الغلط أما الباقي عادي!

وجهت جهاد، زوجة عصام صاصا رسالة قوية لمنتقدي المشاهير وذلك بعد الضجة الكبيرة وحملة الهجوم التي طالت زوجها بعد دهسه لأحد الأشخاص على الطريق للدائري وظل هذا الحادث متصدرا محركات الأكثر بحثا لأيام طويلة.

زوجة عصام صاصا ترد على منتقدي المشاهير

وكتب  زوجة عصام صاصا في ستوري عبر حسابها الرسمي بموقع تبادل الصور والفيديوهات انستجرام في منشور رصده موقع تحيا مصر منذ قليل، رسالة تلوم بها الجمهور على تربصهم المستمر لأفعال المشاهير على عكس الأشخاص العادية، فقالت: أنا مستغربة اوي في ناس شايفة الغلط بمزاجها وشايفة إن هما اللي صح ومش بيظلموا غيرهم، وإن الغلط دا لو هما عملوه هيبقى غصب عنهم بس لو حد غيرهم عملوا يبقى يستاهل، خلال 3 شهور حصل كام موقف كده، لقيت ناس بتهاجم الشخص مش علشان هو غلط لأ، علشان هو مشهور، ما مينفعش تعمل زينا يعني المشهور ميعملش الغلط والى مش مشهور يعملوا عادي.

زوجة عصام صاصا عن المنتقدين بيبرروا الحقد والكره في صورة تانية 

واستكملت زوجة عصام صاصا حديثها، قائلة: لقيت الناس بتبرر الكره والحقد بس في صورة تانية إلي هو أي واحد أو واحدة عندها نقص في حاجة لو غلطوا يقولو غصب عني، وعايزين كل الناس تشوفهم مظلومين، مع إن هم هم إلي لو شافو مشهور غصب عنه عمل غلط، أول ناس بتهاجمه، كأن المشهور مش بني آدم، مش متخلية إني عايشة وسط ناس بتبرر الغلط لو ليهم، وتهاجم غيرها وتقول هو عشان معاه فلوس يجي على الغلبان، أنا كنت فاكره العيب فيا وفي حياتي اكتشفت من كام مشكلة حصلت على الميديا مع غيرنا إن الناس بتبرر الغلط لنفسها، ولما غيرهم يعملوا غلط يقولوا لأ غلط، وفي الحقيقة الغلط غلط والصح صح، واللى معاه فلوس زي الى مش معاه.

تحريات مباحث الأموال العامة تكشف تفاصيل تزوير توكيل عصام صاصا

نص اتهامات عصام صاصا وشقيقه في القضية الجديدة

زوجة عصام صاصا وأزمة زوجها 

وكانت جهاد، زوجة عصام صاصا جنبا إلى جنب زوجها طوال فترة أزمته التي تعرض من خلالها إلى الحبس لأيام عديدة بعد دهسه لأحد الأشخاص على الطريق الدائري ادى إلى وفاته وتبين بعدها أنه كان متعاطيا مواد مخدرة، وكان قد تم إخلاء سبيله بكفالة مالية لحين استكمال التحقيق في تلك القضية وانتهت بتناول أسرة المتوفي عن القضية بعد حدوث تصالح بينهم وبين عصام صاصا.