بشرى: زوجي قدي في السن وبحب الناس الخارجة عن المألوف وهذا رد فعل طليقي على زواجي

حلت الفنانة بشرى ضيفة على برنامج مساء dmc في سهرة خاصة مع الإعلامية إيمان الحصري على هامش مهرجان العلمين الجديدة، وذلك في أول ظهور لها بعد زواجها من خالد نجل زوجة الفنان محمود حميدة.

بشري عن زوجها: قدي في السن ومحمود حميدة اللي رباه وشبه تفكيري

كشفت بشرى في البداية عن هوية زوجها، حيث قالت في تصريحات رصدها موقع تحيا مصر: خالد محمود حميدة اللي رباه لأن والده توفى وهو قدي في السن وكنا زمايل في المدرسة، هو شخصية مستقلة جدًا وعايش برا مصر من سنين، وبيفكر بطريقة خارج الصندوق وشبه فكري، أنا على قد ما أنا شرقية ولكن عندي أفكار كتير غربية بحكم نشأتي برا مصر، وهو مواليد بريطانيا زيي، ومركز في شغله.

وعن رد فعله على تعليقات الجمهور على زوجها، قالت بشرى: اتخض من ردود الفعل على فرحنا وكل شوية يجي يسألني هو ده عادي كده؟.

بشرى عن رد فعل طليقها على زيجتها الجديدة: راجل ذوق ومحترم 

وتطرقت بشرى بحديثها عن موقف طليقها من زواجها، فقالت: ولاد الحلال كتير وأول ما نزلت الصور بعتوا لأبو الولاد لكن هو راجل محترم جدًا وعاقل ورزين وابن ناس جدًا والحمد لله هو أول واحد بيكبسهم وبيهزقهم، وبوجه ليه كل التحية والشكر والتقدير.

بشرى عن تعدد زيجاتها: ساعات ببقى عايزة حد خارج عن المألوف 

وعلقت بشرى على تعدد زيجتها، فقالت: كل شخص له شخصيته المستقلة المختلفة عن الآخرين، وكل حاجة حسب الفترة الزمنية والمرحلة العمرية اللي جت فيها، واختيارتي اللي مدمرة حياتي قبل ما أكون أم مختلفة عن اختياراتي بعد ما بقيت أم.

وعن المعايير التي تضعها أثناء اختيارها لهم، أشارت بشرى: لازم اختار إنسان ظروفه تسمح بأن ده ميعكرش صفو أولادي ويتفهم أن ولادي الأولوية، أنا ست بحب أن العلاقة تكون سوية، مش شرط تبقى بتحبني أوي وبس، أنا كمان لازم أحبك وأديلك زي ما بتديني وإلا هيكون فيه خلل في العلاقة أو في اتنين بيمثلوا على بعض، وأنا بمثل قدام الكاميرا بس، وساعات ببقى عايز حد خارج عن المألوف.

أول ظهور لـ بشرى بعد الاحتفال بحفل زفافها.. صور

لقطات جديدة من حفل زفاف بشرى بالساحل الشمالي| صور

وسخرت بشرى من تعليقات الجمهور على فارق السن بينها وبين زوجها الجديد، مشيرين إلى أن بينهم 11 عام، لترد بشرى: جبتوا الرقم ده كله منين للدرجادي شكلي كبير جنبه، أنا وهو قد بعض ولو فيه فرق سنة بينا ما ده كان حاصل في زيجتي الأخيرة، أنا مش بيفرق معايا اكون أكبر من زوجي سنة أو اثنين دي كلها تفاصيل سطحية.