إبراهيم فايق: قرار الرئيس السيسي بتحويل ملف قضية وفاة أحمد رفعت إلى النيابة العامة يعتبر حدث تاريخي ونصر كبير

قال الإعلامي إبراهيم فايق، أن قرار الرئيس عبد الفتاح السيسي بتحويل قضية وفاة أحمد رفعت إلى النيابة العامة يعتبر حدث تاريخي، ويستعرض موقع تحيا مصر تصريحات إبراهيم فايق.

تصريحات إبراهيم فايق

وقال إبراهيم فايق في تصريحات عبر بث مباشر على فيس بوك، بفضل الله فخامة الرئيس عبد الفتاح السيسي قرر تحويل ملف أحمد رفعت إلى النيابة العامة، وهذا الأمر نصر كبير ومبين ونصر عظيم، ومجرد فتح ملف أحمد رفعت وتحويل كل من يثبت في قضية أحمد رفعت للمحاسبة.

إبراهيم فايق: قرار الرئيس السيسي بتحويل ملف قضية وفاة أحمد رفعت إلى النيابة العامة يعتبر حدث تاريخي ونصر كبير

أحمد موسى: بعد توجيهات الرئيس بقضية أحمد رفعت الدنيا اتقلبت

الرئيس السيسي يوجه بإحالة ملف وفاة اللاعب أحمد رفعت إلى النيابة العامة لكشف كافة الحقائق

عاجل.. الرئيس عبد الفتاح السيسي يأمر بإحالة قضية وفاة أحمد رفعت إلى النيابة العامة

وأشار إبراهيم فايق، مصر دولة قانون وبقول كدا دايما مصر بلد قانون، وطول الوقت بقول أنا عندي ثقة في بلدي، والتدخل من رئيس الجمهورية محسسني بالفرحة والنصر، وأتكلمنا كتير في الأمر وكنا ننتظر رد وزارة الشباب والرياضة ووصل الأمر لشهرين ومستنين النتيجة من وزارة الشباب والرياضة.

وتابع إبراهيم فايق، ربنا بيطبطب علينا بأن الرئيس عبد الفتاح السيسي بعد التدخل في قضية أحمد رفعت وحاليا إحنا أمام نصر كبير، ومفيش أي اتهام لأي شخص، وأنا لست ضد أي شخص وعاوز أوصل للحقيقة والحق وكان لازم وزارة الشباب والرياضة تعمل كدا من زمان.

إبراهيم فايق يشكر الرئيس السيسي

واستكمل إبراهيم فايق، اللي فات حاجة واللي جاي حاجة تانية، وكنت بدأت أحس باليأس في قضية أحمد رفعت، والناس كانت على طول بتقولي أوعى تنسى حق أحمد رفعت، وحقه كان متعلق في رقبتي، وهو ظهر معايا وساب وصيته وأتكلمنا مع كل الأطراف، وهناك مزايدين ومغرضين تحدثوا في أزمة أحمد رفعت.

واستطرد إبراهيم فايق، الحديث عن أزمة أحمد رفعت أرهق ناس كتير ذهنيا بأننا بنتلكم في القضية بشفافية والحمد لله ربنا في ضهرنا وعارف أنا بشتغل الإعلام إزاي ومصر دولة كبيرة بفضل الله ونقدر نقول كل حاجه طالما عارفين إطار وطريقة عمل الإعلام.

وتابع إبراهيم فايق، عندما يتدخل الرئيس السيسي في القضية هو نصر كبير، وكان فيه منافقين ومزايدين ومدلسين خاضوا في حق أحمد رفعت، وكان في ناس بتخوض في حق أحمد رفعت ومش عاوز أتكلم وكان في هرتلة في الموضوع، والناس أتكلمت في حق أحمد رفعت كلام غير مقبول، والناس دي مش مكسوفة من نفسهم وفيه ناس ضمن شبكة المصالح وهتطلعوا تقولوا أي للناس بعد ما رئيس الجمهورية فتح الموضوع.

واختتم إبراهيم فايق تصريحات، الناس عرفت المانفقين والمدلسين واحد واحد، وأزمة أحمد رفعت كانت كاشفة للرياضة المصرية بالكامل، وفي ناس خرجت من الجحور وكله خرج من الجحور، واللي حصل انتصار كبير للدولة المصرية وانتصار للقانون ومفيش حق بيضيع في البلد والحمد لله والشكر لله واللي حصل دا نصر حياتي ونصر عمري وكان نفسي أكون على الهوا دلوقتي ولما أرجع هنتكلم وهنفتح الموضوع، وتحية كبيرة وشكر كبير للرئيس السيسي.