ياريت تقلدوها .. البلوجر رانيا يحيى تهاجم المتنمرين على سوزي الأردنية بعد نتيجة الثانوية العامة

علقت البلوجر رانيا يحيى على رد فعل التيك توكر سوزي الأردنية بعد رسوبها في الثانوية العامة، وأثارت جدلا واسعا خلال الساعات الماضية بسبب المجموع.

وقالت رانيا يحيى في منشور رصده موقع تحيا مصر، عبر حسابها الشخصي على موقع التواصل الاجتماعي فيسبوك، «عارفين سوزي اللي بنتريق عليها دي، ياريت الناس تقلدها في جزء واحد بس و هو الاعتراف بالغلط ، سوزي امبارح عرفت انها جابت ٣٠٪؜ في الثانويه العامه ظهر الڤيديو بتاعها قدامي و لفت نظري جمله مهمه جداً قالتها ، قالت أنا عارفه اني ما استحقش اكتر من كده عشان ما تعبتش و لا ذاكر» ..

قلبي فرحان .. سوزي الاردنية تثير الجدل بمجموعها في الثانوية العامة

من هي رانيا يحيى المصرية الوحيدة في فرح ابن أغنى رجل في آسيا ؟

وتابعت رانيا يحيى، «لو كل شخص اعترف ب إمكانياته و بالجهد اللي ما بذلهوش عشان يبقى في مكان احسن مش هنلاقي ندب بلا هدف و لا هتلاقي الشخص الفاشل اللي بيداري فشله بإحباط غيره و التقليل منه و لا اللي بيقنع نفسه ان الناجحين و الأغنياء مش بيوصلوا لكده غير بطرق غير مشروعه فالحمدلله أنا فاشل عشان شريف »..

سوزي الأردنية تعلن رسوبها في الثانوية العامة 

وقالت سوزي الأردنية في فيديو رصده موقع تحيا مصر، « أنا جاية اقولكم وانا مش زعلانة، عشان أنا متعبتش ولولا الظروف هي اللي خلتني معرفش اذاكر خالص السنة دي بس قولت اعمل اللي عليا واروح امتحن، شقتي ولعت وحصل عندي مشاكل».

وتابعت، «انا رنيت على امي قولتلها افرحي، أنا سقطت أنا جايبه 138 من 410 يعني 30% بمجهودي، بدون غش، قلبي فرحان عشان جبتهم بمجهودي، 10ليا و10 لطارق، 10 لامي».

واضافت، «انا عايزة اتجوز واخلف مش عايزة اتعلم، ماليش غير بيت جوزي حبيبي، أنا جبت 30% وجايبة 3 ملاحق، بس معرفش ايه هما المواد، أنا في مصيف ومش هعيط».

من هي البلوجر رانيا يحيى 

رانيا يحيى من أوائل المؤثرين على وسائل التواصل الاجتماعي في مصر، والمصرية الوحيدة التي حضرت حفل زفاف ابن أغنى رجل في آسيا انانت امبابي، والتقطت العديد من الصور مع مع كبار نجوم بوليوود وهوليوود بما في ذلك جانفي كابور ور وجون سينا وغيرهم.

خاضت رانيا يحيى أيضا تجربة التمثيل من خلال مسلسل أبو العروسة، لكن بدأت رانيا يحيى مسيرتها المهنية كمحترفة مبيعات خارجية وتقدمت بسرعة إلى منصب مستشارة تأمين، ثم تولت منصب مدير المبيعات، وأظهرت قيادة ممتازة وقد صقل دورها اللاحق كمديرة للعلاقات العامة في مهرجان الأيام الدولية بالجزائر.