أقوال «سارة خليفة» منظمة حفلات عصام صاصا في تحقيقات قضية التزوير

كشفت تحقيقات النيابة في قضية تزوير توكيل عصام صاصا تفاصيل ومفاجآت عديدة حيث تضمنت التحقيقات أقوال سارة خليفة منظمة الحفلات الشهيرة، ويرصد موقع تحيا مصر تفاصيل أقوالها.

لرسوبها في الثانوية العامة.. تحقيقات في إنهاء طالبة كفر الشيخ حياتها

10 آلاف جنيه.. قرارات النيابة في سرقة أجنبي القاهرة قبل سهرة حمراء

شروط الاختبارات للراغبين في الالتحاق بـ كلية الشرطة 2024

تطورات جديدة بشأن العقارات المتضررة من حريق ستديو الأهرام

أقوال منظمة حفلات عصام صاصا في قضية التزوير

قالت سارة خليفة خلال تحقيقات النيابة في قضية تزوير توكيل عصام صاصا، أنا بشتغل مقدمة برامج وكمان في المكتب الإعلامي في الإمارات وعندي شركة متخصصة في تنظيم الحفلات وباخد المطربين وبعملهم حفلات في الكويت أو في الإمارات.

وتابعت سارة خليفة، شركتي بدات في سنة 2021 وشغلي كـ مقدمة برامج من سنة 2012، وساعتها كنت بعمل برنامج اسمه مهمة صعبة، وعصام صاصا أنا بشتغل معاه حصري برا مصر وعملت معاه أكتر من حفلة في مدينة دبي زيه زي أي مطرب زي محمود الليثي والبحراوي وحمو بيكا وحماقي وغيرهم.

منظمة حفلات عصام صاصا: ماليش علاقة بأخوه ومعرفهوش

واستكملت سارة خليفة خلال تحقيقات قضية تزوير عصام صاصا، بالنسبة لمحمد أخو عصام صاصا ماليش علاقة بيه واللي أعرفه أنه شغال مع أخوه وبالنسبة لمعاذ مدير أعماله هو عارف المواعيد بتاعت الحفلات عشان كدة بتواصل معاه ومش معايا رقم أخو صاصا أما السيد الصعيدي صديق وكنت على تواصل معاه بكلمه بخصوص المطربيين.

وأضافت سارة خليفة، أنا اعرف عصام صاصا من سنتين ومعرفش أي حد تاني غير واحد اسمه إيهاب أبو الفتوح، ومن سنتين قابلته في معرض عربيات وعرفت أنه بيعمل توكيلات أو بيشتغل في الشهر العقاري بس مش فاكرة فين بالظبط، وكلمته قبل كدة بعد لما قابلته أو هو كلمني مش فاكرة وكان بيبعتلي معايدة على الواتس آب.

سارة خليفة: معرفش حاجة عن التوكيل المزور

وأشارت سارة خليفة، وأنا اعرف المحامي محمد حمودة من الميديا وكان في واحدة صاحبتي عندها موضوع وروحت له من 3 سنين وكمان روحت له ساعة حادثة عصام صاصا، بناء على طلب عصام، وكل اللي أعرفه أني سمعت على السوشيال ميديا أن في مشكلة في توكيل عصام صاصا وأنه في تزوير في الموضوع.

وأكملت سارة خليفة، كل الوسط الفني راح لعصام صاصا لما كان محبوس، عشان هو غلبان جدا، وبعدها سافرنا أنا وهو وأخويا ومرات عصام، وقعدنا هناك 10 ايام وأنا رجعت وعصام فضل في دبي، وبعدها عصام قالي عايز حد بيعمل توكيلات اديته رقم إيهاب وبعدها الأخير كلمني قالي في مشكلة قولت له أنا مالي.

أنا مبنكرش أني كلمت إيهاب بس كلمته عشان عصام كان عايز يعمل توكيل، وماليش دعوة في مشكلة أو لا، ومكلمتوش وأنا برا مصر، ومعرفش اي حاجة عن واقعة التزوير اللي حصلت في شهر عقاري مجلس النواب، ومعرفش أي حاجة عن اللي قالته زوجة محمد أخو عصام لأني معرفهاش أصلا، وأكيد بتقول الكلام ده عشان خاطر جوزها.

وتضمن أمر إحالة عصام صاصا الذي أعدته نيابة جنوب الجيزة الكلية برئاسة المستشار محمود غيطاس المحامي العام الأول لنيابة جنوب الجيزة الكلية، في القضية رقم 11659 لسنة 2024 جنايات قسم الجيزة، المقيدة برقم 3447 لسنة 2024 كلي جنوب الجيزة، اتهام النيابة كلا من محمد طه طلعت 24 سنة طالب «محبوس»، ومحمود الجوهري 30 سنة طالب «هارب»، وطلعت أبو العلا 58 سنة موظف سابق «هارب» وعصام طه طلعت - عصام صاصا - 24 سنة طالب ومطرب «هارب».