سمية الخشاب: اي أب أو أم هيعقاب ولاده بسبب النتيجة يبقى ميستاهلش يبقى عنده عيال

خرجت الفنانة سمية الخشاب لتعرب عن غضبها من الآباء والأمهات الذين يعاقبون أولادهم بسبب نتائجهم في الثانية العامة، مشيرة إلى أنه هؤلاء الآباء لا يستحقوا أن يكون لديهم أبناء، موجهة نصيحة هامة للطلاب.

سمية الخشاب: اي أب أو أم هيعاقب ولاده بسبب النتيجة يبقى ميستاهلهمش 

وكتبت سمية الخشاب عبر حسابها الرسمي بموقع التدوينات القصيرة اكس، أو تويتر سابقا وفقا لما رصده موقع تحيا مصر: اي اب او ام هيلوموا ولادهم او يعاقبوهم او يرهبوهم بسبب النتيجه يبقوا ميستاهلوش يبقي عندهم عيال اصلا.

وتابعت سمية الخشاب: احترسوا من العمام والعمات عشان لو عندهم عيال فثانويه عامه زيكم هيتصلوا عشان "يتطمنوا" وهما حرابيق عايزين يشمتوا.

سمية الخشاب: اي حد ينجح يبقى عمل مجهود ويستاهل أننا نفرحله 

وتابعت سمية الخشاب حديثها، قائلة: الف مبروك لكل طلاب ثانويه عامه اللي اتخرجوا من المدرسه وهيدخلوا جامعه، اي حد "ينجح" يبقي عمل مجهود ويستاهل اننا نفرحله والشهاده دي مبتحددش اي حاجه ايني واي الشاطر شاطر فاي مجال. 

وكانت سمية الخشاب قد حرصت على تهنئة طلاب الثانوية العامة على نجاحهم، قائلة: مبروك ياحبايبي النجاح وربنا يفرحكم واللي منجحش السنة دي تتعوض السنه الجاية.. ركزوا وهتنجحوا وهفضل اقولكم مش نهاية العالم انك ماتوفقتش السنه دي انتوا لسه صغيرين وقدامكم المستقبل اهم حاجه التركيز بحبكم اوي، روقوا وانبسطوا محدش واخد منها حاجه حتنجحوا وتتخرجوا وحتلاقوا نفسكم بتشتغلوا في مجال تاني خالص ملوش علاقه بشهادتكم عشان كده باقولكم متزعلوش علي اي حاجه وربنا يوفقكوا.

سمية الخشاب في حالة غضب: معدش في بركة في الأيام

اخر أعمال سمية الخشاب 

يذكر، أن آخر أعمال سمية الخشاب مشاركته في مسلسل ب 100 راجل والذي تم عرضه ضمن سباق مسلسلات رمضان 2024 لكنه لم يحقق النجاح المطلوب رغم أنه يشهد على عودة سمية الخشاب بعد غياب دام طويلا عن الدراما وساحة التمثيل بشكل عام، وشارك معها في البطولة كلا من النجوم محمود عبد المغني، نانسي صلاح، أحمد صيام، سما ابراهيم، هالة فاخر، محمد رضوان، محمد القس، محمد عبد العظيم، منذر مهران، ابراهيم السمان، ايمان يوسف، مصطفى منصور، عزت زين، جميل برسوم، أحمد أسامة.

وتصدرت سمية الخشاب أيضا التريند بعد ظهورها مع رامز جلال في برنامج رامز نيفر اند وقامت برفع دعوى قضائية ضده بعد تعرضها لإصابة.