الشاعر إسلام خليل يهاجم رضا البحراوي: إزاي تستحوذ على أغنية مش ملكك

هاجم الشاعر إسلام خليل المطرب رضا البحراوي واتهمه بسرقة كلمات أغنياته، وذلك من خلال مقطع فيديو عبر حسابه الشخصي على موقع الفيديوهات القصيرة تيك توك.

الشاعر إسلام خليل يهاجم رضا البحراوي 

وقال إسلام خليل في مقطع الفيديو الذي رصده موقع تحيا مصر: يا أستاذ رضا في حاجة اسمها حقوق الملكية الفكرية الكلمة زي الفلوس والدهب، لما تتاخد بدون وجه حق فدي سرقة، وأنت المفروض بقيت نجم وبقى ليك اسم، والمفروض تصرفاتك تكون قد النجومية اللي بقيت فيها.

وتابع: اطلب منى أغنية وأنا هكتبهالك هدية، لو مش عايز تدفع حقها، وأنا غني عن التعريف بأعمال الكتير اللي قدمتها كفاية تاريخي الطويل مع الفنان شعبان عبد الرحيم وكل الألحان الفنان شعبان عبد الرحيم مسجلة في جمعية المؤلفين والملحنين باسمي.

إسلام خليل لـ رضا البحراوي: أنا مستني منك الرد إنك تقول مش هعمل كدة تاني

واضاف: ولا أنت غاوي الناس ترفع عليك قضية، أنا عارف إنك لسه دافع مبلغ بسبب لحن قديم أنت غنيته وابنه خد منك فلوس، إذا كان عدوية عبد الرحيم زعلان أن أغنيته اللي هو تعبان فيها ومسجلها وطالع عينه وعايز الغنوة تتعرف علشان يشتغل أنت غنتها، إزاي تستحوذ على أغنية مش ملكك كأنك بتقطع عيش الناس، دا مينفعش المفروض أنت اللي تساعد طالما بقيت نجم، أنا مستني منك الرد إنك تقول مش هعمل كدة تاني، لأن الأغاني اللي أنت حتى اتعرفت بيها مش بتاعتك، اعمل لنفسك تاريخ وسجل أغاني يبقى عندك رصيد لكن هتعيش على أغاني الناس.

إحالة بلاغ رضا البحراوي ضد نجل شعبان عبدالرحيم لنيابة الهرم

عاجل.. مستأنف المعادي: براءة شقيق كهربا في قضية رضا البحراوي

محمود الليثي عن رضا البحراوي: احنا أخوات وربنا ما يدخل حد بينا 

وسبق وأن نشر المطرب الشعبي محمود الليثي منذ قليل فيديو يعلن من خلاله تصالحه مع صديقه المطرب رضا البحراوي، وذلك بعد اتهام الاخير لليثي بطريقة غير مباشرة بأنه قام بسرقة لحن أغنياته وذلك على منشور كتبته عبر حسابه الرسمي بموقع التواصل الاجتماعي فيسبوك دون ذكر اسم الليثي به.

وقال محمود الليثي في فيديو رصده موقع تحيا مصر على صفحته الشخصية بموقع التواصل الاجتماعي فيسبوك: عايز اقول حاجة كل جمهورنا الحبيب فى مصر والوطن العربي انا ورضا اخوات وكلام الاغاني ده ميخصش رضا ولا يخص محمود الليثي واى أغنية هينزلها هرفعها عندي على الصفحة انا ورضا واخوات.