إسعاد يونس تكشف معاناتها بعد وفاة والدها: كان سايبلنا 11 قرش بس واتطلب من أمي تسيب البيت

تحدثت الفنانة إسعاد يونس عن معاناتها مع وفاة والدها وكيف تولت زمام أمور منزلها واخواتها في ذلك الوقت، والصعوبات الذي تعرضوا لها في ذلك الوقت، وذلك خلال حلولها ضيفة على برنامج Abtalks والذي يقدمه الإعلامي أنس بوخش على قناته على موقع الفيديوهات الشهير يوتيوب.

إسعاد يونس تتحدث عن طفولتها 

وقالت إسعاد يونس في تصريحات رصدها موقع تحيا مصر: كنت لوحدي طول الوقت ومكنش عندي أصحاب يجولي البيت أو انا اروح لحد، وأما ابويا توفى أنا بقيت مسؤولة مع والدتي اني براعي اخواتي وكنت بعمل مع نفسي كل حاجة بكتب مواضيع باللغة العربية وبلعب باسكت والمرحلة دي كونت عندي أن انا الولد والراجل بتاع البيت فكنت بصلح الكهربا والسباكة في البيت واودي اخواتي الدروس وكنت مستمتعة بكل الحاجات اللي موجودة في حياتي وعلمت نفسي حاجات كتير جدا من بينهم اني مخافش أو أغير ومكنتش ببكي ومع نفسي طول الوقت ويلعب معاها.

إسعاد يونس تكشف معاناتها بعد وفاة والدها 

وأضافت إسعاد يونس: والدي توفى وأنا عندي 14 سنة ووقتها البيت مكنش فيه إلا 11 قرش ووالدتي قالتلي انتي مسؤولة معايا عن اخواتك ونمشي بالفلوس دي لحد ما فلوس المعاش تيجي.. شوفنا أيام صعبة ووالدتي اتطلب منها تسيب البيت بس كنا راضيين ومبسوطين.

واستكملت إسعاد يونس: بدأت الأمور تتعدل شوية شوية بحسن الادارة وتعليمنا كلنا أن كل شيء لطيف وجميل وحياتنا كانت كلها مشاركة ومكنش حد بيكلملنا فوالدتي كانت بتختلق انها بتعمل مكالمة من حد.

إسعاد يونس: العشر سنين الأخيرة كانت صعبة عليا بسبب التكنولوجيا.. والذكاء الاصطناعي مخوفني

اليوم.. إسعاد يونس في ضيافة أنس بوخش ببرنامج Abtalks

إسعاد يونس: والدي كان راجل حلو ومنهم بصناعة السينما 

وتطرقت إسعاد يونس بالحديث عن والدها: والدي كان راجل حلو اوي وكان طيار حربي وبيكتب في الصحافة وكل فريق روزاليوسف كانت بتيجي بيتنا وكان مهتم بصناعة السينما، كنت مسمياه قمر الزمان لأنه احلى راجل في الدنيا هو اللي علمني اقرأ.

وأشارت عن والدتها: كنت بغل من ايمان اختي لأنها كانت بتقارني بيها دائما وكانت بالنسبالي هي السبب في كل حاجة ولكن بعد ما والدي توفى اتغيرت تماما من ناحيتها هي بقت قريبة مني جدا وشكلت حاجات كتير في وجداني.