مستريحة جديدة في البحيرة.. أهالي دمنهور يستغيثون بوزير الداخلية: ملناش غيرك يجيب حقنا| فيديو

استغاث أهالي البحيرة من مستريحة الجمعيات الجديدة في البحيرة، بعد قيامها بتجميع مبالغ مالية من المواطنين على سبيل الجمعيات وتشغيل الأموال في مشروعات سوبر ماركت وتجارة الهواتف، ويرصد موقع تحيا مصر التفاصيل الكاملة.

الداخلية تضبط عصابة دولية حاولت تهريب الآيس داخل شنط مدرسية

ننشر السيرة الذاتية لـ رئيس هيئة قضايا الدولة الجديد

بعد إحالته للمحاكمة.. رفض استئناف أحمد فتوح على قرار حبسه 15 يوما

لمحاربة التيارات الرجعية.. دعوى قضائية تطالب بعرض «الملحد» في السينمات

استغاثة لـ أهالي دمنهور من نصب سيدة البحيرة عليهم

حيث وجه المجني عليهم على يد مستريحة البحيرة الجديدة رسالة عاجلة لـ اللواء محمود توفيق وزير الداخلية لإغاثتهم وضبط المتهمة وإعادة أموالهم التي قامت بالنصب عليهم فيها وسرقتها بزعم أنها جمعيات ومشاريع ستدر عليهم أرباح عديدة لكنها ألقت السوبر ماركت المملوك لها وفرت هاربة.

وقال إبن أحد ضحايا مستريحة البحيرة، نطلب من وزارة الداخلية تسريع الإجراءات وضبط المتهمة في حالة وجودها داخل البلاد، مطالبا بإعادة أموالهم التي سرقتها المتهمة منهم بزعم الجمعيات وتشغيل الأموال، المتهمة قامت بالاستيلاء على قرابة 50 مليون جنيه من الأهالي لتشغيها.

ضحايا مستريحة البحيرة: بيوتنا اتخربت بسببها وخدت شقى عمرنا

وقالت إحدى الضحايا، مستريحة البحيرة هتودينا في داهية وهي معروفة جدا في البلد ومعمول فيها محاضر وأحنا ماضيين لـ ناس بالفلوس اللي خدتها دي، ولو في مشكلة هي وقعت فيها هنساعدها ونستنى عشان نحلها، ليه تعملي نفسك ميتة وتختفي ومترديش على حد طيب فلوسنا دي راحت فين.

وتابع نجل أحد ضحايا مستريحة البحيرة، كانت ست زي الفل في الاول وكانت بتاخد جمعيات بتوصل ل 40 الف جنيه واتفاجئنا انها طلعت نصابة فوق الوصف، وكانت بتاخد من الشخص الواحد 40 الف جنيه وكانت سمعتها زي الفل ومرة واحدة اتغيرت وقالولنا انها ماتت وكنا بندفع على انها جمعيات وقالت انها بتشغل الفلوس.

ابن ضحية المستريحة: قالولنا ماتت وبعدها الخبر اتنفى

واستكمل نجل أحد الضحايا، كان في ناس تانية بتشكر فيها وادناها الفلوس وفوق الجمعيات قالت هتشغل الفلوس وفتحت هايبر وقالت انها اشترت شقة وطلعت الشقة ايجار ومش بتاعتها وكانت هتفتح محل موبايلات عشان تشغل الفلوس ولا اي حاجة حصلت من الكلام ده وفضلنا شهور ندفع لها في ناس بتديها فلوس من 6 سنين والفترة دي المعاملة كانت زي الفل.

واختتم نجل ضحية مستريحة البحيرة، انا ووالدتي بقالنا سنة معاها بنديها فلوس ومخدناش حاجة ولا ارباح داخلين في سنتين كمان ولا خدنا حاجة منها وبعدين الناس بتقول انها هربت وناس بتقول انها ماتت وفي خبر نزل انها ماتت وبعدها اتمسح واحنا نصدق مين احنا عايزين فلوسنا بس وعملنا محاضر كتير.

محاضر واستغاثات من ضحايا مستريحة البحيرة 

وأشارت إحدى ضحايا مستريحة البحيرة، انا بقى اكبر مصيبة في حياتي وعمري ما اتوقعت منها كدة بقالي معاها 6 سنين اول شهر عليا الشهر ده خربت بيتي وبيت عيالي وهنتحبس كلنا حياتي كلها راحت وعيالي ااتشردوا انا هقتل نفسي لأن الناس عايزة تحبسني وتموتني بعد ما خدت فلوس وهربت الفلوس كانت كتيرة وجمعيات وفلوس ناس ده خراب بيوت 6 سنين.

وتابعت، لو هي سمعاني انا مش عارفة اقول ايه دي مش فلوسي لوحدي دي فلوس ناس وفلوس يتامى وأمهم موصياني عليهم معايا 7 ايتام لو هي سمعاني ارحميني وتعالى لو انتي مزنوقة تعالى وارحمي الناس دي وفلوسهم وشقى عمرهم تعالى وقولي ليه غدرتي بيا كدة خدتي كل الفلوس ومشيتي ليه، هي كانت بتطلع الأرباح فعلا وتعمل بيها مشاريع وكانت بتقول انا هخليهم تكسبوا فلوس كتير.

وأكد المجني عليهم ضحايا مستريحة البحيرة أنهم قاموا بتحرير محاضر ضد السيدة حملت أرقام 8049 لسنة 2024 إداري مركز دمنهور، و8082 لسنة 2024 إداري مركز دمنهور.