وصول المتهم بقتل صديقه في الجيزة للمحكمة

وصلت قبل قليل أسرة ضحية صديقه في الجيزة، لحضور أولى جلسات محاكمة المتهم بقتل نجلهم بعدما استدرجه إلى منطقة زراعية في البراجيل بالقرب من محور الضبعة، ويرصد موقع تحيا مصر التفاصيل الكاملة.

المتهم بقتل صديقه في الجيزة وجها لوجه مع اسرته في المحكمة

بعد قليل.. أولى جلسات محاكمة قاتل صديقه في الجيزة

رغم طلاقهما من 20 عاما.. أميرة العايدي تقاضى ورثة وائل نور| تفاصيل

انتقم لشرفه.. قرارات النيابة في جريمة قتل شاب لزوج أمه في القاهرة

أمر إحالة المتهم بقتل صديقه في الجيزة

أحالت نيابة شمال الجيزة برئاسة المستشار تامر صفي الدين، المحامي العام الأول لنيابات شمال الجيزة، المتهم «حسام صابر خليل» بقتل خطيب خطيبته السابقة في أوسيم، لمحكمة الجنايات المختصة.

وكشف أمر إحالة المتهم اتهام النيابة العامة له بأنه في ليلة 2 مارس 2023 بدائرة مركز شرطة أوسيم في الجيزة، قتل المجني عليه سيد حسين عمدا مع سبق الإصرار على أثر خلافات بينهما، حيث عقد العزم وبيت النية على الخلاص منه وتحين الزمان والمكان وما أن ظفر به باغته ضربا وخنقا فحبس أنفاسه بقطعة قماشية أحكمها حول عنقه.

اتهامات النيابة لـ قاتل صديقه في الجيزة

كما اتهمت نيابة شمال الجيزة المتهم خلال أمر الإحالة، بأنه رطم رأس المجني عليه بقوة في حجر حتى خارت قواه وليتيقن من وفاته وضع ذلك الحجر على صدره محدثا اصاباته المبينة بالتقرير والتي أودت بحياته، وسرق المنقولات والمبلغ المالي والأوراق المملوكين للمجني عليه بأن استولى عليها من بين طيات ملابسه عقب قتله.

كما أتلف المتهم عمدا هاتف المجني عليه بأن هشمه بقدمه وترتب على ذلك ضررا ماليا جاوز الخمسين جنيها وأحرز أداتين “قطعة قماشية وحجر” بدون مبرر من الضرورة المهنية أو الحرفية تقتضى ذلك.

اعترافات المتهم بقتل صديقه في الجيزة

وقال المتهم بقتل صديقه في الجيزة: بعد ما اتخانقنا قام سبلي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض لغاية من قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.

وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الظباط كانوا بيتكلموا معايا وسألوني كتير أوي فرُحت قلتلهم كل حاجه والحقيقة اللي لسة حكيها دلوقتي وجابوني على النيابة النهاردة الصبح وهو ده كل اللي حصل بالظبط.