زوجة عصام صاصا: مش عارفة أنام النهاردة أول زيارة ليه بعد الجلسة.. ياترى هروح الاقيه عامل ازاي

كشفت جهاد أحمد، زوجة مطرب المهرجانات الشعبية عصام صاصا عن استعدادها لأول زيارة لها لزوجها بعد جلسة الحكم عليه لمدة 6 أشهر، مشيرة إلى أنها في حالة من التوتر والخوف الزائد عن الحد، خاصة وأنها غير مدركة مدى سوء حالته النفسية.

زوجة عصام صاصا تكشف عن أول زيارة له بعد سجنه 

وكتبت زوجة عصام صاصا على حسابها الرسمي بموقع تبادل الصور والفيديوهات انستجرام في خاصية ستوري، وفقا لما رصده موقع تحيا مصر: مش عارفة أنام.. النهاردة أول زيارة لعصام صاصا بعد الجلسة وانا معرفش عنه حاجة خالص.. خايفة ومتوترة من الزيادة ومش عارفة اقوله احنا كويسين واضحك عليه ولا اقول الحقيق.. ياترى هلاقيه هناك عامل ازاي وهيضحك علينا ويقول أنا كويس هو كمان ول هيقول الحقيقة.

وكانت قد استقبلت زوجة عصام صاصا قرار حبسه 6 اشهر بتهمة دهس أحد الأشخاص على الطريق الدائري وتناول مواد مخدرة، بكتابة منشور عبر موقع انستجرام، قالت فيه: يارب كنت موت انا وجوزي وارتحنا من ظلم الدنيا.

عصام صاصا يثير الجدل بطرح أغنية جديدة 

وكان قد طرح عصام صاصا منذ ساعات أغنية جديدة بعنوان الدنيا قاسية اتشقلبت بيا، وذلك رغم حكم حبسه ما أثار الجدل على مواقع التواصل الاجتماعي مرجحين بأن صاصا معه هاتف في السجن ولكن خرجت الصفحة الرسمية له بالرد، قائلة: التراك متسجل ومتصور من شهر وفي عقود والتزامات.

وتابع؛ اكيد واحد في السجن مش هيبقى معاه موبايل في حاجة اسمها فريق ماسك السوشيال ميديا بتاعته.

عصام صاصا يرد على انتقادات طرحه لأغنية جديدة رغم الحكم بحبسه 6 شهور: عندي التزامات

كلمات أغنية عصام صاصا الجديدة 

وجاءت كلمات أغنية عصام صاصا الجديدة على النحو الآتي: الدنيا قاسيه اتشقلبت بيا في ثواني فتحت عينى لقيتنى فجأه في دنيا تاني وحشتنى نفسى واهلى واخواتى و مکانی هوون يارب الغربه صعبه مموتانی ربنا علشان عالم بيا مش هيشمتكم يوم فيا قادر ياكريم تسمع ليا وتنجيني انا عارف انك مش هتسبنى وبلاك معناه ان انت حاببني دانا طوب الارض بيحاربني طالع عيني اه من الحياه بقا كل دا كان مستخبى انا مش بخير والصدمه هتو قفلی قلبی غرقان في بحر دموع مفيش ولا حد جمبي مبقاش خلاص بأيديا غير اني ادعى ربی.