شيرين عبد الوهاب عن أزمتها مع شركة روتانا: في مؤامرة إني أقعد في البيت.. ومن انهاردة مش هسكت تاني

كشفت الفنانة شيرين عبد الوهاب خلال مداخلة هاتفية في برنامج الحكاية مع الإعلامي عمرو أديب تفاصيل ومفاجآت جديدة في أزمتها مع شركة روتانا التي تصدرت محركات البحث الاجتماعي الفترة الأخيرة وأكدت شيرين عبد الوهاب أن كل ما قيل حول أزمتها مع شركة روتانا سواء من المحاميين وحتى المحامي الخاص بها حديثهم غير صحيح.

شيرين عبد الوهاب عن أزمتها مع شركة روتانا: قسمًا بالله العظيم كل اللي اتكلم كلامه غلط حتى المحامي بتاعي

تحدثت شيرين عبد الوهاب في مداخلة هاتفية مع الإعلامي عمرو اديب خلال برنامج الحكاية المذاع عبر شاشة قناة ام بي سي مصر وكشفت شيرين عبد الوهاب تفاصيل جديدة في أزمتها مع شركة روتانا وأكدت شيرين عبد الوهاب أن كل ما قيل في حقها عاري تمامًا من الصحة، وأن شركة روتانا لم تقم بأي دعايا تفيد أعمال شيرين عبد الوهاب بشئ مشيرة إلى أن الشبب في نجاحها هو جمهورها، وقالت: “انا تعاقدت مع شركة روتانا ومع احترامي للشخص الي معندوش شعر اللي اتكلم قال بعد ما خدنا ونضفنا ولمعنا هي وخداني نجمة الوطن العربي، وقسمًا بالله العظيم كل اللي اتكلم كلام غلط حتى المحامي بتاعي وشيرين عبد الوهاب لو متعملهاش دعاية توازي حجمها دوليا وعالميا يعتبر العقد منتهي وأنا السبب في نجاحي الجمهور واللي بيحبوني سلمتهم أغنية كلها غيرانة نجحت جدا ومتعملهاش دعاية بنص جنيه”.

شيرين عبد الوهاب: روتانا عايزاني للحفلات فقط وفي مؤامرة إني أقعد في البيت 

تابعت المطربة شيرين عبد الوهاب حديثها خلال المداخلة الهاتفية التي يرصدها موقع تحيا مصر مؤكدة على وجود مؤامرة حولها وأن عدم طرح أغانيها شئ مقصود ومتفق عليه من بعض الشخصيات الكبيرة التي تحاول التوقف في طريقها، وقالت شيرين: “اتعلمت اسكت عشان شيرين بتاعة مشاكل وعايزة أقول لروتانا انتو مستنين الأغنية الرابعة عشان تسألوا عن التنازلات.. أنا كان معايا شخص سلم أغنية ليا لشركة انغامي ومشيته عشان أنا شغالة مع روتانا وكلمت مدير روتانا في مصر وقولتله تبعت انذار للشركة ووقف الأغنية وقضيهم وخد منهم تعويض لكن بعتولي أنا واخدوا مني 2 مليون جنيه رغم أنه مفيش ورقة يبين اني موافقة”.

فريدة سيف النصر لـ شيرين عبد الوهاب: بالله عليكي يا شيخة غني وبس

عمرو أديب: روتانا على استعداد للصلح مع شيرين.. ونتمنى شيرين ترجعلنا

أنا قرش وعندي شنان حامية تظهر وقت اللزوم.. شيرين عبد الوهاب تتوعد لشركة روتانا

استكملت شيرين عبد الوهاب حديثها وهي تتوعد لـ شركة روتانا بعد الأزمات بينهما والنزاع القائم حتى وقتنا هذا، وقالت: “أنا كنت متفقة على حاجات كتير في العقد هما بوظوها.. هدور ليه على شركات أمضي معاهم وانا عندي شركة موجودة والاغاني جاهزة.. روتانا عايزاني حصري في الحفلات اللايف.. وأقسم بالله أن روتانا امتنعت عن استلام الاغاني بسبب ده، وانا بناشد بلدي إني مطربة كبيرة جدا عايزاها تحميني من الكلام اللي بيحصل دلوقتي.. أنا قرش وعندي سنان حامية جدا وبتطلع وقت اللزوم”.