الفنانة شمس: صعبان عليا شيرين عبد الوهاب جدا وبقول لحسام حبيب لو بتحبها بوس ورجلها

تحدثت الفنانة شمس عن الأزمة التي تمر بها الفنانة شيرين عبد الوهاب، مشيرا إلى أنها تشعر بالحزن عليها، موجها رسالة لطليقها المطرب حسام حبيب، وذلك خلال مداخلة هاتفية مع الإعلامية نهال طايل في برنامج تفاصيل المذاع على قناة صدى البلد 2.

 الفنانة شمس: بقول لحسام حبيب لو بتحب شيرين عبد الوهاب بوس على رجلها 

وقالت الفنانة شمس في تصريحات رصدها موقع تحيا مصر: شيرين صعبانة عليا جدا وبقولها ربنا يهديكي لنفسك، مشيرة إلى أنه بقول لحسام حبيب لو بتحب شيرين روح بوس اديها ورجليها وحطها فوق دماغك.

وأشارت شمس، إلى أنها تعلمت من أزمة شيرين عبدالوهاب وحسام حبيب، قائلة: "تعلمت من تجربتهم أني عمري ما أشتكي لحد غير ربنا وحده"، مؤكدة أنها لم تتزوج من اللاعب مدحت عبد الهادي بل كانت مجرد خطوبة وانتهت.

الفنانة شمس: اللي يتجوز مرة مش هيفكر يتجوز تاني 

واختتمت الفنانة شمس، حديثها قائلة: "أرفض تكرارة تجربة الزواج مرة أخرى وعايشة عشان ابني، لأن مفيش مميزات للزواج اللي عاوز يتجوز مرة مش هيفكر يتجوز المرة التانية".

وكانت قد خرجت الفنانة شمس وتحدثت عن سبب قلة أعمالها الفنية، قائلة: مش أنا لوحدي اللي مش لاقية شغل ولكن فيه فنانين كتير زيى، مؤكدة أنه مش ههين نفسي على كبر عشان لقمة العيش، وأنا مش متفاعلة على التيك توك، الناس اللي بتطلع على التيك توك بتاخد دعم مادي كبير من المتفاعلين”.

شمس: مش ههين نفسي على كبر عشان لقمة العيش.. وأخدت مهدئات وقت وفاة أخويا

الفنانة شمس تكشف سبب غيابها عن الساحة الفنية

وسبق وتحدثت الفنانة شمس عن سبب غيابها عن الساحة الفنية، قائلة: انا مريت بظروف كتير خلتني معنديش طاقة غير لما تكون حاجة حباها اوي حاجة تهزني، أو حاجة مع مخرج انا اشتغلت معاه وعارفة هو هيعرف يطلع من شمس ايه، غير اني اتعرضت للنصب كتير جدا واشتغلت مع ناس مش فاهمة وحاولت اعمل زي ما الناس بتقولي ارجعي وانتشري ف اكدب عليكم لو قولت محاولتش.

وأضافت: كنت بشتغل مع كبار المخرجين اللي في الوسط ومتربية على ايديهم وهما دلوقتي تلت اربعهم مش موجودين على الساحة اصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني.