مها أحمد: مش هسيب شغلي على التيك توك طول ما فيه فلوس لانك مش هتنفعيني ياروح أمك

خرجت الفنانة مها أحمد لترد على منتقدي ظهورها الدائم إلى موقع تيك توك، مشيرين إلى أنها تقلل من شأنها وتقلل من قيمتها أمام جمهورها خاصة وأنها زوجة الفنان مجدي كامل وهو من النجوم المحترمين داخل الوسط.

مها أحمد: مش هسيب شغلي على التيك توك طول ما فيه فلوس 

وقالت مها أحمد لمنتقدي ظهورها على التيك توك في لايف رصده موقع تحيا مصر عبر حسابها الشخصي: بسف على السفافين وبتمزج وشغلي على التيك توك طول ما فيه فلوس مش هسيبه لأنك مش هتنفعيني ياروح أمك، أنا ممكن أروح أتعالج على نفقة الدولة مانا فنانة بس هتقولولي بتاخدي فلوس الناس الغلابة، فأنا سيبالكم فلوس الناس الغلابة.

مها أحمد: عايزة أعمال علاقات مع الناس الجامدة واشتغل برة 

وتابعت مها أحمد: عايزة اعمل علاقات مع الناس الجامدة برة يمكن ياخدوني يشغلوني أو شيخة تشوفني وتاخدني تشغلني معاها، بس عمري ما هشتغل هنا عشان انتو متنمرين ولسانكم قليل الادب، وإحنا متعودين ناخد هدايا من الماركات الكبيرة أما انتو عشان معفنين تشوفوها شحاتة عشان عندكم نقص.

واختتم مها أحمد حديثها، قائلة: هتفسح واتدلع واكيدكم وأي مكان فيه شغل وفلوس زي أنا قاعدة فيه.

مها أحمد: في بعض المتسولين على تيك توك بياخدوا فيديوهاتي ويشحتوا عليها

مها أحمد: في بعض المتسولين على تيك توك بياخدوا فيديوهاتي ويشحتوا عليها

مها أحمد: جوزي بيحبني ولما بزعل بيجبلي برفنات عشان بحبها 

وسبق وردت مها أحمد في وقت سابق على منتقدي ظهورها على التيك توك فلم تكن تلك المرة هي الأولى، فقالت في وقت سابق: كل اللي بيقولوا انت فين يا مجدي وسايبها على تيك توك 24 ساعة، عايزة أقولهم هو حببني كده وبيموت فيا كده ولو زعلت واشتكيت له بيجيبلي برفانات وهدايا في ساعتها عشان عارف إني بحبها، أنا بحب اللي بيضايقوني ويكيدوني في اللايف عشان بستفيد من هجومكم وبيجيلي فلوس أكتر وداعمين ومجدي بيسألني ايه مزعلك مع اني مش بعيط عشان بستخسر الدموع فيكم بصراحة، عشان بستخسر الدموع فيكم.

واستغاثت مها أحمد برغبتها في العمل، قائلة: حسبي الله ونعم الوكيل في الوسط الفني التمثيل بقى عند الشللية.. لو حد عنده واسطة يتوسطلي اشتغل عشان شكلي كده مش عجباهم.