والدة محمد المنياوي: ابني مش عاجز وأثبت للناس كلها أنه أحسن من السليم وكان بيحلم يكون دكتور| فيديو

قالت والدة محمد المنياوي بطل رفع الأثقال في بارالمبياد باريس 2024، أن نجلها كان يحلم بالفوز بالميدالية الذهبية في البارالمبياد من أجل إسعاد العائلة والشعب المصري، ويستعرض موقع تحيا مصر تصريحات والدة محمد المنياوي.

تصريحات والدة محمد المنياوي

وأضافت والدة محمد المنياوي في بث مباشر مع موقع تحيا مصر، محمد ابني يستاهل كل حاجه حصلتله في حياته وهو كان بيحلم دايما بالنجاح وفرحنا وفرح محافظة الغربية كلها.

وأكملت والدة محمد المنياوي، محمد وعدني أنه هيفرح لاشعب المصري كله، وعاوزة أقول أنه كان بيحلم يكون دكتور ويدخل كلية الطب ودخل الثانوية العامة وقعد سنتين وبعد كدا خرج وكان عنده يأس كبير.

وأكملت والدة محمد المنياوي، محمد كان كل يوم بيخرج ويجي بليل نسأله كنت فين قال أنه روحت الجيم ونفسي أكون بطل وكلنا كنا بندعمه وواقفين جمبه علشان يكون بطل وربنا معاه دايما.

والدة محمد المنياوي

وأشارت والدة محمد المنياوي، أول ظهور لمحمد ابني كان مع ريهام سعيد وكنت بعيط وأنا بتفرج عليه وكنت بحلم أنه يحقق الذهبية لأن دا كان حلمه من زمان وأنا مبسوطة وفرحانة ليه ودايما بشكر ربنا على كل حاجه حلوة حصلت لمحمد.

واستطرت والدة محمد المنياوي في تصريحاتها، محمد ابني تعب جامد علشان يحقق الذهبية وأثبت للناس كلها أنه مش عاجز وأحسن من ناس كتير وأحسن من السليم وأنا فخورة بيه أد الدنيا كلها.

واختتمت والدة محمد المنياوي تصريحاته، أول ما محمد يجي من باريس هدور له على العروسة وكلنا نفرح بيه وهو ابن حلال ويستاهل كل خير.