ريهام سعيد: مسحت صوري القديمة لأني أما بشوفها بتحصر وبكره نفسي.. قد اي أنا كنت حلوة ومكنتش حاسة

خرجت الإعلامية ريهام سعيد لتتحدث عن تفاصيل تعرضها للتشوه في وجهها بعد إجراءها عملية تجميل، مشيرة إلى أنها  حذفت جميع صورها بسبب كرهها لشكلها بعد عملية التجميل وذلك في فيديو نشرته عبر حسابها الرسمي بموقع تبادل الصور والفيديوهات انستجرام.

ريهام سعيد: كرهت شكلي 

وقالت ريهام سعيد في الفيديو الذي رصده موقع تحيا مصر عبر حسابه الرسمي بموقع تبادل الصور والفيديوهات انستجرام:  مسحت صوري القديمة كلها لأني أما بشوقها بتحصر وبكره نفسي.. قد اي أنا كنت حلوة ومكنتش حاسة، كنت رايحة مع ابني المدرسة احضر مناسبة وكل أما الكاميرا تيجي عليا أداري وشي افتكروني بتعامل بتعالي.. بس أنا وقتها أدركت إني مشوهه.

واختتم ريهام سعيد حديثها، قائلة: شكلي بقى شبه رواد الفضاء مش شكل بني ادمة عادية.

ريهام سعيد تحذف جميع صورها من موقع انستجرام

وكانت قد قامت ريهام سعيد بحذف جميع صورها على موقع انستجرام، كاتبة: نادر صعب انت دمرت حياتي ده و لا عشان ميديا و لا قضايا انت لازم تعيش و انت فاهم انكً دمرت حياتي و مستقبلي أنا مسحت الصور القديمه لأني مش قادره أشوفها و أشوف اد ايه انت دمرتني و اد ايه أنا كنت جميلة ولا قادرة أشوف صوري الجديده لأني مشوهه و مش أنا.

واضافت: قريت تقرير الطب الشرعي ؟ قريت ان في خطأ طبي ؟ قريت اني مشوهه ؟؟؟؟ حسبي الله و نعم الوكيل فيك ربنا ينتقم منك يا رب و اي حد بينصرك عليه . أنا و لا حسه اني ست و لا حسه اني عايزه اعمل حاجه أنا انتهيت و انت السبب، ج قالوا لي ماتمسحينش كل الصور و كل حاجه عشان هاتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه ؟؟.

مش قادرة اشوف نفسي .. ريهام سعيد قبل وبعد عملية التجميل

ريهام سعيد: بقالي ٨ شهور بجري على القضايا ولسة ما وصلتش لحاجة 

واختتمت ريهام سعيد حديثها: بقالي ٨ شهور يجري في القضايا و لسه ماوصلتش لحاجه بس أوعدك الحق راجع و أكيد في يوم هاتحس انت عملت فيه ايهانا بستغيث باي دكتور شريف يقدر يحسن وشي مش للدعايه ولا المتاجره بيه .يا رب يارب يرزقني بدكتور يحييني بعد ما نادر صعب موتني أرجو ان التعليقات المجرحه علي شكلي تقف لان مفيش فأيدي حاجه اعملها.