ريهام عبد الغفور: أبويا في الغُسل كان بيضحك.. وطريقة وفاته كانت قاسية

تحدثت الفنانة ريهام عبد الغفور عن والدها الراحل الفنان أشرف عبد الغفور، وذلك من خلال لقاء لها ببرنامج كلام نواعم المذاع عبر شاشة تلفزيون قناة إم بي سي وان.

تصريحات ريهام عبد الغفور عن والدها

وقالت ريهام عبد الغفور في تصريحاتها التي يرصدها موقع تحيا مصر: بتمنى أكون شبهه في أخلاقه وإنسانيته وهو كان شخص عظيم أوي وكريم ونبيل، بيتعامل مع الناس كلها بحب غير طبيعي، وأكتر شخص في الدنيا عمره ما خذلني ولا خذل حد من أولاده وعمر ما حد طلب منه أي حاجة وأتأخر عليه بالعكس وكان هو الأب المثالي، متفهم أوي وحنين بشكل مبالغ فيه، وهو شخص عايش للآخرين مش بيعمل حاجة لنفسه خالص، وفقد أب طيب وحنين شيء قاسي وطريقة الوفاة كانت قاسية، وفي الغُسل كان بيضحك لدرجة أني افتكرته صاحي.

تصريحات ريهام عبد الغفور في برنامج كلام نواعم

وفي اللقاء ذاته، كشفت الفنانة ريهام عبد الغفور عن تعليمها لأولادها على احترام السيدات، وقالت ريهام عبد الغفور في تصريحاتها التي يرصدها موقع تحيا مصر: أولادي بتكلم معاهم كتير ازاي تبقى جنتل مان، ازاي تعامل الست، لازم تحترم الست ومينفعش تهزر مع بنت بالإيد، لازم يحترمها، ويحتويها، وأنا شخصيا لما بشوف راجل بيعلي صوته على واحدة أو بيمد ايده أو بيبص على واحدة تانية بفقد احترامي ليه، وبشوف أجمل شيء في الجواز المودة وأصعب حاجة فيه الندية والعند والأمومة علمتني المسئولية.

وعن السلام النفسي قالت: السلام النفسي دا أهم حاجة، الواحد لما بيكبر بيحس أن طموحه هو السلام النفسي، مش اللي هو يكون عنده فلوس أكتر أو نجاح أكتر، ودا مش سهل لأنه بيحتاج بيئة مساعداكي في دا وواحدة زيي بالفعل بتوتر بسهولة أو حساسة شوية، فأني أوصل للسلام النفسي مش أسهل حاجة بس في الفترة دي ابتديت اشتغل كويس على نفسي وبحاول مخدش كل حاجة على أعصابي وفي الفن دا صعب لأنها شغلانة ضاغطة.

ريهام عبد الغفور: ولادي في حياتي رقم واحد.. وابني الكبير أقرب صاحب ليا

ربنا يرحمك ويسعدك في الجنة.. ريهام عبد الغفور تستعيد ذكرياتها مع والدها

أخر أعمال ريهام عبد الغفور في الدراما

ومن الجدير بالذكر أن أخر أعمال ريهام عبد الغفور في الدراما مسلسل أزمة منتصف العمر والذي تدور أحداثه بعد أن تتزوج فيروز من عزت بالرغم من فارق السن الكبير بينهما، تقع في حب زوج ابنته- عمر - وتتسبب علاقتهما السرية بمشاكل كثيرة لها.