في ذكرى وفاته.. طه دسوقي يرثي والده بكلمات مؤثرة

حرص الفنان الشاب طه دسوقي على احياء ذكرى وفاة والده ال 12، وذلك من خلال كتابة عدد من أبيات الشعر الحزينة والمؤثرة له، يعبر من خلالهم عن شدة اشتياقه لوالده وعن صبره في رؤيته بالمنام، فضلا عن الحديث مع والده على أنه أمام.

طه دسوقي يحيي ذكرى وفاة والده 

ونشر طه دسوقي صور تجمعه بوالده عبر حسابه الرسمي بموقع التواصل الاجتماعي فيسبوك، وعلق عليها في منشور رصده موقع تحيا مصر، قائلا: في الذكرى ال١٢ حابب اقولك شكرا  عالزيارة في المنام  والكلام  وقولة يا بابا  وقولة بحبك  وانا كمان شكرا حسيت ان أنا لسّه في بالك مع انك طوّلت أوي بقالك ١٢ سنة مرتاح عندك الزيارة كانت سريعة جدا  يادوب حضنتك بس كفاية .. مش هنطمع  عارف يا بابا  أنا اتجوزت واشتغلت  خد الكبيرة؟  احيانا بيتقالي يا أستاذ لا والأكبر ! بقيت بدفع فاتورة الكهربا والغاز.

وتابع طه دسوقي حديثه: كبرت شكلي ولا إيه! طب عارف ان الدولار دلوقتي  بقى ب٥٠ جنيه! فايتك حاجات ياوالدي ملهاش ولا أي لزمة المرة الجاية ابقى قولي  ايه اخبار الدنيا عندك صحيح اليوم بألف سنة من عندنا يعني١٢ سنة دول يعملوا كام هتلاقيهم عدوا عليك ٥ دقايق  لسه واصل يعني بتحط حاجتك طب هل الرؤية واضحة عندك شايفنا يعني وحاسس بينا  أنا بقول ايه؟ واللي عندك هيبقى عايز يشوف الدنيا ليه لسه قدامك نعيم تتهنى بيه ولسه قدامنا سنين  هنفارق فيها بعضنا  لحد ما يحين وقت اللقا  ونتلم تاني ناكل قصادك وانت قاعد مبتاكلش  بس شبعان من بصتك علينا  وطلوعي لعندك مش بتاعتي  فمجيك ليا دي كبيرة  شكرا يا والدي  على كل خير سيبته فينا  ولحد ما يجمعني بيك هستنى اشوفك في المنام كل امّا انام.

طه دسوقي ومعاناته مع التنمر 

من ناحية أخرى، كان قد كشف طه دسوقي معاناته مع التنمر، حيث قال في منشور عبر فيسبوك: كان فيه شخص قابلته في مرحلة مهمة في حياتي وكان قريب مني جدا، درجة القرب اللي بثق في كلامه عني وبفترض فيه حسن النية، وكان مطلع عليا وقتها اسم هزار كده الكلام ده قديم شوية قبل ما ده يتسمى تنمر، كان مسميني "أُكرة " سألته ليه قال لأني مبزعلش حد مني و طول الوقت حيادي كد، بين البينين يعني زي أكرة الباب بوصل بس من هنا لهنا.

طه دسوقي: مفيش صح مطلق ولا خطأ مطلق 

من ساعتها وانا دايما أحس بكسوف لما ألاقيني في موقف حيادي او واقف في النص واقول لنفسي بنفس النأرزة (ده انت صحيح عيل أكرة)، مع اني طول الوقت كنت كده .. عمري ما شجعت فريق معين .. عمري ما تشددت أوي تجاه شئ في المطلق دايما متقلب والنهاردة بحب ده بكره احب حاجة غيره، اكتشفت مع الوقت انها مش حاجة وحشة لان فعلا مفيش صح مطلق ومفيش غلط مطلق وكل شئ وارد ..ف إنك تقف في النص مش حاجة وحشة خالص والأكرة مهمة فشخ عامة لولاها مفيش ولا باب هيفتح .. يلا الحمدلله.

طه دسوقي يكشف معاناته مع التنمر: واحد قريب مني كان بيقولي يا أكرة وبيضحك عليا

شاب مصاب بالتوحد يشكر طه دسوقي على مسلسل حالة خاصة.. والفنان يرد: كلامك عندي بـ 100 تكريم

يذكر، أنه تألق طه دسوقي في مسلسل حالة خاصة والذي خاض به أولى بطولاته المطلقة وتم عرضه على منصة واتش ات الرقمية وحقق العمل نجاحات كبيرة خلال فترة عرضه وأشاد الجمهور بموهبة طه دسوقي الكبير، خاصة وأنه خرج لأول مرة عن الإطار الكوميدي من خلال هذا العمل.